Popular Bible Verses from Ma tchi wala 2

Share

Sama mi le Alona tam djivid’ina, Alona nga mi hum ned’a, wed’a ki furîd’a. Wani sama tchona Alona nga mi aram lovota á tok ahlena, mi moloziya, kayam mam hazi woi mi sama mi lum tam djivid’ina. Wan pî, ni hawa hina yak d’igi sana mi dik simetna na!

Vama djivi ma yam sanina ni tala mi te, mi tche, mi le furîd’a yam sun mamba d’a. Wani an wala zla ndata ti tcholï nata Alona. Mi dala: Le ni an nduo ni, ni nge mi ndak mi te mi le furîd’a ge?

Bugola, an gol sun nda an lat kabonda hina pet ki kau d’a an kawat yam sun nda an lata hina pet, wani an gol ahle ndazina hina pet nahle suma hawa ya’â, ni d’igi sana mi dik simetna na mi. Vama djivi nga ka hî yam andagad’a tu d’i!

Ahle suma iran ti min golozina, an nga ni d’elet ti. An nga ni d’el tan á le furîd’a d’uo mi, kayam an nga ni le furîd’a kurun krovo yam sun nda pet ta an lata. Wana ni wurak ka yam sun nda an lata.

An we woi tetet ala ned’a ti kal lilid’a d’igi b’od’a ti kal nduvunda na mi.

Sama ned’a nga mi we yima mam i kuana, wani sama lilid’a mi tit ni kur nduvunda. Wani an we vana tu nga mi djubuzi zla tazi djak!

Sama dingâ mi nga mi le sunda ki ned’a ki wad’ud’a ki d’ingêra ki kaud’a. Wani mba mi arazi mi sama mi fe nga ndaka ki sed’ezi d’uo na. Wana ni sun nda hawa yak ka tcho d’a kala!