Popular Bible Verses from Salmos 90

Share

Kaxtnu'u ni ja na jin ndasa'a sa kuenda, vaa jaku‑ni kivi jin koteku sa ñuu ñayivi ya, te na jin jaku'un ini anua sa ya tnu'u ndichi káxtnu'u ni ma.

Su'si Iya Tátnuni, skuta'vi ña'a ni ja vii ja va'a, te sa'a ni ja tniñu ka sa'a sa ma, masu saneé sañuu‑ni ko kuu i. Saa vi, Su'si, sa'a ni ja na kendoo va'a i.

Te xtnee ne'e ma kunda'vi ini xeen tna ña'a ni, sukan‑va'a jin kata sa te jin koo sii ini sa ndaka kivi jin koteku sa ma.

Te maa ni kúu Su'si onde xi'na xeen‑ka ma, nuu ñatuu jin kuva'a‑ka yuku a, ji'in ñu'ú ya, ji'in ñuu ñayivi a, te maa ni kúu Su'si ni‑kani ni‑jika, te sukan kó kuu.

Iya Tátnuni, maa ni kúu iya jasi ndee jasi ndoso ña'a nuu ja u'vi ma, te ka kaku sa, te sukan ni yo kuu ni ji'in tna'a sa tee jana'a ma.

Te mil kuiya ma chi kuenda tnu'u ja sukan‑ni ni ya'a kivi iku ma sukan‑ni kúu nuu maa ni, vi Su'si, xi kuenda tnu'u ja ni ya'a jakuaa ma te ve ndii ma‑ni, sukan‑ni kúu nuu maa ni.