Popular Bible Verses from Salmos 77

Share

Te ndáka'án sa ndaka milagru ni yo sa'a, ni yo kuu ni onde xi'na‑ka ma nuu tna'a sa ñayii jana'a ma, vi Su'si. Te ndákani ndáka'vi ini sa ndaka ja vii ja va'a sa'a ni ma, te ndáka'an ndákachi sa nuu ñayii ma ndaka ja sa'a ni ma.

Maa ni kúu Su'si iya sa'a milagru, vaa maa ni káxtnu'u tnu'u ndee tnu'u ndatnu ni a nuu ñayii ñuu ñayivi a.

Su'si maa sa, iya ii kúu ni, te masu na in‑ka su'si iyo ja kuu sa'a ndaka sukan sa'a maa ni a.

Ni‑yu'u ni‑ini sa ndákune'e sa Su'si ma, te ora ndákune'e sa ya ma chi jiniso'o ya ja jiña'a sa ya ma. Te kivi ni yo ndo'o, ni yo neni sa ma, te ndaka jakuaa ma ndánduku sa Su'si iya tátnuni nuu o a, te skata nda'a skata nda'a sa nuu ya, te jikan‑ta'vi jikan‑ta'vi sa nuu ya ja na chindee ña'a ya. Kovaa ñatuu ni ndani'i sa tnu'u kanu ini, vaa kúxii xeen ini sa ma.