Popular Bible Verses from Salmos 73

Share

Visi na kuita maa yikikuñu sa a ji'in ini anua sa a, kovaa maa ni ndachindee ndachituu ini anua sa a, vi Su'si, vaa maa ni iyo ja koo ji'in sa ni‑kani ni‑jika.

Kovaa saña chi ja va'a xeen kúu ja koo yatni sa nuu Su'si Iya Tátnuni ma, te kúkanu ini sa ya, vaa suu ya ndetu sa ja chindee ña'a ya, sukan‑va'a ndaka'an ndakachi sa nuu ñayii ma ndaka ja va'a ja sa'a ja kúu ya ma.

Visi ndaka sukan ni yo sa'a, ni yo kuu sa ma, kovaa masu nde ni xndoo ña'a ni, vi Su'si, su'va ni yo tnii ni nda'a kua'a sa a. Te ni ka'an, ni kachi ni nuu sa naxe ko sa'a ko kuu sa ma te sukan ndikin ña'a sa sa'a sa a. Te nuna jinu ma, te ndakuan‑ta'vi ña'a ni nuu iyo ni a, te koo jayiñu'u sa, vi Su'si.