Popular Bible Verses from Salmos 69

Share

Kata sa, te ndachiñu'u ña'a sa, vi Su'si, te ndaka'an ndakachi sa ndaka ja vii ja va'a sa'a ni a.

Kovaa saña chi jikan‑ta'vi sa nuu ni, vi Su'si. Te kivi kúni maa ni ja chindee ña'a ni ma, te kua'a xeen ja taa ni, vaa kúnda'vi ini ña'a ni, vaa ndija ni ja ká'an ni ja chindee ña'a ni te kaku sa nuu ja u'vi ma, te vitna, te koniniso'o ni ja ká'an sa ya, vi Su'si.

Ndakone'e ni ja jikan‑ta'vi sa nuu ni a, vi Su'si, vaa iya va'a ini kúu ni. Te kunda'vi ini ña'a ni, sukan kútoo ña'a ni a, te konde'ya ña'a ni ja sukan ndó'o néni sa ya.

Vaa Iya Tátnuni ma chi niniso'o ya ja ka jikan‑ta'vi ñayii ka kunda'vi ka kukee ma, te ñatuu na nde saxiko ya ñayii ka ndo'o ka neni ma.