Popular Bible Verses from Salmos 68

Share

Ja vii ja va'a kúu Iya Tátnuni ma Su'si iya sa'a ja jin kaku o nuu ja u'vi ma, vaa ndi‑kivi ndi‑kivi chíndee ña'a ya ja ka ya'a o nuu tnundo'o tnuneni ma.

Vaa suu ya kúu yuva suchi kuechi ja ñatuu‑ka na yuva na si'i i ma, te suu ya kúu iya jasi ndee jasi ndoso ña'a ñatuu‑ka na yii ma, te maa ya kúu Su'si onde nuu ii iyo ya ma.

Te maa ya sa'a ja ñayii ni ka ndoo nda'vi ma, jin ni'i i in ve'e nuu jin koo i, te kuenda tnu'u ja ve'e maa i kúu. Te ñayii ka ndo'o ka neni ma, sa'a ya ja jin ndusii ini i te jin koo va'a i. Kovaa ñayii ka sa'a so'o xeen ma chi nuu jin koo i ma ko kuu in nuu ñu'ú yichi, nuu ñatuu kuiti nawa iyo ma.

Su'si o ma, Su'si o Iya Tátnuni ma kúu iya sa'a ja jin kaku o nuu ja u'vi ma, te suni maa ya sa'a ja masu jin skenaa o maa o ma.