Popular Bible Verses from Salmos 146

Share

¡Kovaa naka vii naka va'a‑ka kúu ñayii kúkanu ini Su'si ni yo kukanu ini tee ni yo kuu Jacob ma ja suu ya ko kuu iya chindee ña'a!

Máko kukanu ini ni ñayii ka ndanuu ma, vaa masu nawa jin sa'a i ja kaku ni nuu ja u'vi ma, vaa ñayii‑ni ka kuu i.

Vaa sa'a ya ja ka ndayaa ñayii ka xndo'o ka xneni ña'a in‑ka ñayii ma, te wa'a tna ya ja jin kaa ñayii ka kokon ka yichi ma, te ndáxsiaa ya ñayii nda'vi ka yinee va'a ma. Su'si Iya Tátnuni a chi sa'a ya ja ka ndundijin nuu ñayii inukuaa ma, te ndóne'e ya ñayii ni ka xtaya ma, te kútoo xeen ya ñayii ka sa'a ja va'a ja ndaa ma.

Vaa maa ya kúu iya ni sa'a andivi ma, ji'in nuu ñu'u kua'a ndute ma. Ni sa'a ya ñu'ú ya ji'in ndaka‑ka nawa iyo a. Te ndimaa ja ndaa kúu tnu'u ká'an ya ma.

Iya Tátnuni a chi jito va'a ya ñayii ka iyo ñuu nuu masu ñuu i kúu ma, te suni jito va'a ya suchi ñatuu na yuva na si'i‑ka i ma, ji'in ña'a ni ka ji'i yii ma. Kovaa ñayii ka sa'a ja u'vi ma chi sa'a ya ja kuan koo neé kuan koo uun‑nka maa i.