Popular Bible Verses from Proverbios 26

Share

Ñayii so'o kaa i ma chi visi ká'an neé ká'an uun i nuu o ma, kovaa máko ndakone'e o nuu i sukan ká'an maa i ma. Nú ña'a te ko kuu tna o sukan kúu i ma. Ñayii so'o kaa i ma chi ora ká'an neé ká'an uun i nuu o ma, te ndákone'e o nuu i sukan ká'an maa i ma, sukan‑va'a na ndasa'a i kuenda ja ká'an i ma te máko kani ini i ja in ñayii ndichi kúu i ja sukan jani ini i ma.

Sukan kúu la‑ina ma ja ndákaa ti ja ni kana ndo'o ti ma, sukan kúu ñayii ndee ini ja ndátnii tuku i ichi u'vi ma, te vitna ja jâ ni kundee i ja ni xndoo i ichi u'vi yukan ma nkuu.

Nú ñatuu na tutnu‑ka ñu'u nuu ñu'u ma chi ndá'va maa i, te sukan kúu tna nú ñatuu ka nduku‑ka ñayii cuentu ma chi ñatuu na in kánaa‑ka.

Ñayii jate in yavi sukan‑va'a kêe in‑ka ñayii ma chi maa i ndêe nuu ni jate i ma, te ñayii skana in yuu ja xnduva i in‑ka ñayii kúni i ma, chi maa i ndaxnduva ña'a yuu ma.

Iyo ñayii jani ini ja ndaka ja ká'an i ma te ndimaa ja va'a ka kuu te in ñayii ndichi kúu i jani ini maa i, kovaa ja ndaa kúu ja onde ñayii ndee ini ma chi iyo‑ka tnu'u kanu ini ja ndachu'un ini i te kee va'a i sana ñayii jani ini ja ñayii ndichi kúu i ma.

Ñayii jika i kua'an i ma te ni kivi nduu i nuu ka iyo ñayii ka kanaa ma chi kuenda tnu'u ja kúu ñayii tnii so'o la‑ina ma kúu i.