Popular Bible Verses from Aaquqira Ufa 3

Share

Aneenna amuqusa aiqamannai karaambaiqa saqarikia. Sia anee aneenna iriranara amanammifoo qimasee minasaa mundua. Anee aiqama ainaina auqeenanana Yaaeenara ani aaqooki marinana kai auqaa. Miqimmasee finanoo mifa andeeqara aana ani uqafiqaannoo.

Sia anee aneennara irirana faqaasee qimasee mana mania. Karaambaiqa ufa mau fidana manda oosana auqarara qeerairia.

Anee aneenna nara ainaina amiqirana kai aneenna maqakinaana unakuseenana Anutuna tatufirana suqa amia. Anee miqinanoo Yaaweefa ani ainaina moomoo afuqaki rairaamma amiannoo. Anee miqinanoo Yaaweefa quandaki ani narana nammari moomoo rairaamma aminana afeedira maqaki quqararee qimasee sia amanai kinnaranoo.

Mapukusee marirana faqa fisoo fisoo irana faqa mi ainainna qanda mareeqee saufauruara foora rumbasaina anukaki mariani, aneena amuqusaki akara rumaqaina mariani.

Oo qini qimaaku Yaaweefa ani andeeqainana sia anee minara akooqaani, Yaaweefa aaquqira ufa qimidanoo fee qimasee amiqimmasee iria. Yaaweefa narí aidi marisa aaqee foora andeeqa nimaqaidanoo. Faiqi anoofa akoofa narí faiqi andeeqaindee inoo miqidanoo.

Qini qimaaku qinee qimamianna ufana sia qaunua. Qinee qimamianna ufana aiqama kari iridana qinee qimamunnandee ia. Qinee qimami marunna ufafa ani kuqirana kisaaqasaa sainana maridana amiqiranaki reemindeemi riranaki marinnaranoo.

Amiqira irirana faqaasa faqa andeeqara irirana faqaasa faqa asasidaqa. Irirafa siruaa faqa koora faqa uriaaqararafa maridanoo. Mi irirafa firaa feefauru qusee maree maria oonina faqa ani kaaqa aidi mari amiqira ainaina faqa uraaqararafa maridanoo.

Oo qini qimaaku faiqí moo fannoo moo ainainara dadaaqiannee qinana sia qaoo qia. Mi ainaina marinana kaqi dadaaqia.

Yaaweefa narí amiqira iriranannai innaruna faqa maqa faqa auqinau. Oonumafi iriranannai innaaruna murufi atukaranau.