Popular Bible Verses from Aaquqira Ufa 13

Share

Anee irirana faqaasa faqa finana irirana mareennaranoo. Anee furufarirausa aqoondikinana kuridinnaranoo.

Aneenna ufasaa rakisinana aneenna mariranasaa faqa rakisinna anoo. Fifau faafau ufa qimarifa narí kai narí aridanoo.

Anee sai aneenna faiqi aaqarana akiiqara arinana sia aneenna faiqiara aidinnaranoo. Anee aneenna faiqiara aidinana saamu qumasee arusee andeeqaa.

Faiqí mo fannoo moo ainainara kisaaqasaa afeesida marifanoo sia anifanoo amuqusa mandaikifanoo akooqaidanoo. Aidi mari ainainnara afeesida mariifanoo aniraifanoo asasidanoo.

Andeeqara oosana fannoo aaqarana siasa itita nimaqaidanoo. Manda oosana fannoo mandoosana maree mariasa mandaikamma nimaqaidanoo.

Unna iriranannai maree maria ainainafa kai kaqi taikaannoo. Kadaapi rumasee marainafa moomooka miannoo.

Narí amoo kai qidanoo mandufa kai uqeeree marifa sia moo ainaina auqaidanoo ummaara kai uqeeraidanoo. Reedeeni mariasa misa irirana nimiaqeera kai iraidaqa.

Andeeqara fasiqauqa kuqifaqa misa faiqi namu ninaiqi mara misa qumiasana mareefaranoo. Mandoosana maree mariasa qumiasana andeeqarausa iannai kai fuannoo.

Irirana faqaa faiqiuqa nári ninausa nikausa ufa amiqimmasee iridaqa. Ufa rukiee mariasa sia moo fannoo qaoo qinnana iriannoo.

Aakapara ufa sia irimarifa kudikinoo asauruannoo. Aakapara ufa irimari fasiqafa uriqaraidanoo.