Popular Bible Verses from Aaquqira Ufa 12

Share

Moo ainainara amukee marifa ani asasirana aruannoo. Reedeenira ufa fannoo ani asooama amaqaannoo.

Faiqí moo fannoo aaqamasainanoo moo fannoo qimaminanoo eedoo qimasee irinafa irirana faqaafa mariannoo. Aakapara ufara akooqee marifa furufarira fasiqa maridanoo.

Sia irirana irisee qimaria ufafa aseemara foora faiqí ateekaidanoo. Irirana faqaasa nifauru fannoo ufaanakuru ununnisaidanoo.

Furufarira fasiqauqa aiqama kari náriara amiqimmidee qidaqa. Irirana faqaasa naamuaqia ufana amiqimmasee iridaqa.

Irirana siaifa kaqikaa ufa iriseenoo tautummeeqeenoo aanoo qidanoo. Irirana faqaafa iriseenoo mafi rafaaqafusee mana mana fidanoo.

Irirana faqaa aanaase afaaqi fannoo mina amooqida asasidanoo. Manda oosana maree mari anaaseefa narí afaaqi asaurirana amisaifanoo amudaani rumafifanoo aurinoora foora inoo maridanoo.

Yaaweefa unnaqi maria afauru afainara fidiaqaa midanoo. Andeeqara ufa mau fimariasara Yaaweefa asasidanoo.

Andeeqee mari fasiqafa narí aqoondiuqa amiqira aana uqannifiqaidanoo. Manda oosana maree mariasa nári mandoosana fannoo nári mareeqee kaqirunna ubeekaidanoo.

Kuqaa anoona ufa qimari afai afaurufa kisaaqasaa maa maqanasaa mariannoo. Unna qimari afai afaurufa qusasaa taikaannoo.