Popular Bible Verses from Sentencoj 3

Share

Fidu la Eternulon per via tuta koro, Kaj ne fidu vian prudenton. Konsciu Lin en ĉiuj viaj vojoj, Kaj Li ĝustigos vian iradon.

Ne opiniu vin saĝa; Timu la Eternulon, kaj deturnu vin de malbono.

Faru honoron al la Eternulo el via havo Kaj el la unuavenaĵo de ĉiuj viaj rikoltoj: Tiam viaj grenejoj tute pleniĝos, Kaj viaj vinpremejoj superbordigos moston.

Favoro kaj vero vin ne forlasu; Alligu ilin al via kolo, Skribu ilin sur la tabeloj de via koro.

La instruon de la Eternulo, ho mia filo, ne malŝatu; Kaj ne deturnu vin, kiam Li faras al vi punon; Ĉar kiun la Eternulo amas, tiun Li punkorektas, Kiel patro la filon, en kiu li havas plezuron.

Mia filo! ne forgesu mian instruon, Kaj via koro konservu miajn ordonojn. Ĉar ili akirigos al vi longan vivon, Jarojn de vivo kaj paco.

Feliĉa estas la homo, kiu trovis saĝon, Kaj la homo, kiu akiris prudenton; Ĉar estas pli bone ĝin aĉeti, ol aĉeti arĝenton, Kaj ĝia rikoltaĵo estas pli bona, ol pura oro. Ĝi estas pli kara, ol juveloj; Kaj nenio, kion vi povus deziri, povas esti komparata kun ĝi.

Ne rifuzu bonon al la bezonantoj, Se via mano havas la forton por fari.

La Eternulo per saĝo fondis la teron; Per prudento Li aranĝis la ĉielon.