Popular Bible Verses from Sentencoj 16

Share

Transdonu al la Eternulo viajn farojn; Tiam viaj entreprenoj staros forte.

La koro de homo pripensas sian vojon; Sed la Eternulo direktas lian iradon.

Agrabla parolo estas freŝa mielo, Dolĉa por la animo kaj saniga por la ostoj.

Al la homo apartenas la projektoj de la koro; Sed de la Eternulo venas la vortoj de la lango.

Pacienculo estas pli bona ol fortulo; Kaj kiu regas sian spiriton, tiu estas pli bona ol militakiranto de urbo.

Antaŭ la pereo iras fiereco; Kaj antaŭ la falo iras malhumileco.

Ĉiuj vojoj de la homo estas puraj en liaj okuloj; Sed la Eternulo esploras la spiritojn.

Kiu prudente kondukas aferon, tiu trovos bonon; Kaj kiu fidas la Eternulon, tiu estas feliĉa.

Pli bona estas malmulto, sed kun justeco, Ol granda profito, sed maljusta.

Iufoje vojo ŝajnas ĝusta al homo, Kaj tamen ĝia fino kondukas al la morto.

Malica homo disvastigas malpacon; Kaj kalumnianto disigas amikojn.