Popular Bible Verses from Sentencoj 15

Share

Milda respondo kvietigas koleron; Sed malmola vorto ekscitas koleron.

La timo antaŭ la Eternulo instruas saĝon, Kaj humileco troviĝas antaŭ honoro.

Milda lango estas arbo de vivo; Sed malbonparola rompas la spiriton.

Kie ne estas konsilo, tie la entreprenoj neniiĝas; Sed ĉe multe da konsilantoj ili restas fortikaj.

Ĝoja koro faras la vizaĝon ĝoja; Sed ĉe ĉagreno de la koro la spirito estas malgaja.

Sur ĉiu loko estas la okuloj de la Eternulo; Ili vidas la malbonulojn kaj bonulojn.

Pli bona estas malmulto kun timo antaŭ la Eternulo, Ol granda trezoro kun maltrankvileco ĉe ĝi.

Kolerema homo kaŭzas malpacon; Kaj pacienculo kvietigas disputon.

La koro de virtulo pripensas respondon; Sed la buŝo de malvirtuloj elfluigas malbonon.