Popular Bible Verses from Ziz 21

Share

Ɔ cɩ 'ka mala 'ciin 'la 'mɩɔa ‑tɛtɛa sɩsɩɛ. Ncɛlɩ cɩ 'tanɩ 'ku. Cɩɩnkalɔ, 'nʋgbʋkasɛ ɩya 'kwlɩbhɩɛ cɩ 'tanɩ kʋ, sa ‑bɛka -laagɔzɔan ya 'plɩ na.»

Ɔmɔa ‑ɔ ‑kʋ 'lɛ ‑kwlekpoa 'kʋ sa na, ya 'cla lebhe: «'Lɩka, ka n nʋnɩ 'lɛ lɩɩa ‑tɛtɛa lɩɩleli cɩ.» 'Nyɩ ɔ ya ‑awlɛ 'lɛ 'cla lebhe: «Zie lebhe wɔɔnyɩtʋ ‑naa ‑glɩ ‑nʋawlɛ 'nyɩ ma cɩʋ ‑delikʋthɛbhalɩ.»

'Nyɩ n ya ‑blɩɩzɔn 'kadie bhlo 'nu, ʋ 'wlʋlʋa ‑kwlekpoa 'kʋ 'nyɩ ʋ claa lebhe: «'Lɩka Laagɔ ‑ya ncɛlɩ 'la sakʋdaa. Ɔya maasɔ cɩ kanɩ 'lɛ sakʋ. Ma cɩ 'ka ɔla 'lɔlʋ 'plɩ ɩya ɔ 'ka Laagɔa ‑ɔya maasɔ ‑kʋ 'lɛ sa na 'plɩ.

'Nyɩ ɔ yaan 'cla lebhe: «Wɔlɩa ‑tɛtɛa ya 'kʋglalɩ. ‑Amʋ ‑glɩ 'lɛ ‑Alɩfaa ɩya ‑Omegaa, ɩ sa ‑zɔn lebhe bhɔda ɩya 'wlukoda. Ɔmɔa 'nyutʋ bhla 'lɛ na, n cɩ 'kɔɔ jabhʋa 'la 'nyukobhua nɩkplaan 'la 'nyua 'nyɩ 'kpɔkpɔ.

Ɔmɔa ‑ɔ ‑cɩ ka 'lɛ ‑sɩa na, ‑ajaa ‑naa ɔ cɩ 'ka 'lɛ 'lɩ, n cɩ 'ka ɔla Laagɔ 'plɩ ɩya ɔ 'ka 'na 'cʋ 'plɩ.

‑Ma, ‑ɔ ‑glɩ 'lɛ ŋanɔnyaa na, maa ‑ɔ 'ta 'lɛ pɔɔtɛtɛ ‑ka na, 'wɩwɩlinyaa, ncaabhlanyaa, ‑kplakplaplanyaa, gɔzɩnyaa, ‑zliigʋgwlanyaa ɩya yodizʋnyaa ‑tɛtɛa, ‑kosua ɩya pipi sloa 'la 'bhukua nɩkplaan ma cɩ 'ka 'lɛ maa 'pa: 'Lɩka ‑mɔsɔ kwɩa.»

Na, n ya ‑buun -laagɔɔn ɩya ‑dʋdʋ ‑lelu 'lɩ, sa ‑bɛka -laagɔan ɩya ‑bɛka -dʋdʋa ya mlɔ 'nyɩ gea ‑ma 'taanɩ ‑kʋ na.

'Nyɩ n ya ‑kplɔkplɔdua, ma la 'lɛ Zolizalɛmʋdu ‑lelua na 'lɩ, ʋ 'wlʋlʋa ‑laagɔɔn, Laagɔ cɩ, 'nyɩ ʋ ‑kʋa le 'cɩcɩɛnʋŋlɔa ‑ɔ ‑bhɔsʋa 'lɛ ɔ ‑ŋuto 'la gbʋ na.

'Dua 'matɩ 'ta 'ylʋbhuoa ‑aana cabhuoa 'fɩɔn ɩya ʋ 'kaa salɩ, sa Laagɔ 'la 'klʋagbaa lelia 'mʋʋ 'kʋ 'nyɩ 'bhlabhlɩcoa ‑glɩ 'lɛ ʋla ‑kanie. 'Bhlɩ 'bhlɩ 'kʋ 'la ncɛlɩ cɩ 'ka ʋla zezezelia nɩkplaan namʋnʋ ɩya ‑dʋdʋa 'kʋ 'la nyɩbhɛlɩa 'ka 'yɛpɩ mala 'bhɛlɩa ‑la.