Popular Bible Verses from Ziz 12

Share

‑Ma maa, 'bhlabhlicoa 'la ‑dolua ɩya wɔɔnyɩtʋa 'la ‑danʋfʋɛ ma li 'lɛ na nɩkplaan ma ‑sɩalɩɔ 'lɛ: Ma 'ta mala jabhʋa wabha ɩya ma ‑ka 'kwɩ 'gulu.

'Nyɩ n ya ‑laagɔa nɩkplaan ‑blɩɩzɔn 'kadie bhlo 'nu, ʋ claa lebhe: 'Lɩkanɩ ‑ala Laagɔ 'la gbʋʋnsalɩɛa, ɔla 'tɛtɩa ɩya ɔla ‑kwleliea 'la clɩɩa ɩya ɔla ‑Sasanyɔa* ‑ma 'la ‑kwleliea 'la clɩɩa. Sa, ‑a bholiecɩa 'la wɔlɩkɩgɩnyɔa, ɔmɔa ‑ɔ gɩa 'lɛ maa wɔlɩ 'kʋ zezezeliin ɩya bhlibhliylʋʋn, ‑ala Laagɔ ‑deliin na, ma yɔɔ ‑dʋdʋa 'kʋ 'pa.

Na, ma yɛɛ ‑dʋdʋa 'kʋ 'pa, ɛmɛ ‑gbɔgbʋmlakadiea, ‑godogodotlɛa, ma la 'lɛ gɔzɛ ɩya Sataan*, ‑ɛ ‑glɩ 'lɛ ‑laagɔzɔnbhuoa 'la 'nyiglilinyɔa na, ma ya ɛya ɛla 'bhlaandleecɩa ‑dʋdʋa 'kʋ 'pa.

Ɩla gbʋ na, ‑laagɔɔn ɩya anyɩa ‑ɔ ‑kʋ 'lɛ 'yɛpɩ na, 'naa a kʋ pɔlɛkʋmɛnɔɔn! ‑Ma, anyɩ ‑dʋdʋ ɩya ge, ‑munzue ya anyɩ bho, sa gɔzɛ ya anyɩ 'bɩɩn kwlili dɔgbɛdɔgbɛɛn 'nyɩ ɛ ‑ci sɛɛ lebhe clɩɩa ‑ɩ ‑tolue 'lɛ na, 'tanɩ ‑zu.

Na, tʋ ya ‑laagɔa nɩkplaan bhli. Mɩsɛlɩ ɩya ɔla 'bhlaandleecɩa* maya ‑gbɔgbʋmlɛa ya tʋ vʋ. 'Nyɩ ‑gbɔgbʋmlɛa ‑ma ɛya ɛla 'bhlaandleecɩa ‑ya maasɔ yʋʋ 'lɛ vʋ

Saa 'titia 'ŋlɔa 'la dɔgbɛa ‑yelia 'mɛɛ 'lɛ na, ‑gbɔgbʋmlɛa ya 'ŋlɔa 'la vanɩkplaa, ‑a ‑to 'lɛ 'nyɩ ‑a 'plɩlɩ 'lɛ Laagɔ 'la ‑jlɩmaa ɩya Zozii 'la wɔɔnyɩtʋa 'kʋ na, tʋa 'klʋ ‑tla.

Ghleda 'kadie ya ‑laagɔa nɩkplaan ‑zɔnwlʋ: 'Ŋlɔ bhlo, 'ylʋbhuoa ‑didioa 'mɔɔ, lokwi 'bhisa, cabhuoa ‑kʋa 'mɔɔ kpli ‑zɔn 'nyɩ nyɩbhɛlɩkpoonkpo, -a ‑ka 'lɛ ‑zɔlʋ 'kʋgba ‑mɔsɔ cɩ na, ‑kʋa 'mɔɔ 'lɛ 'wlu. Ɔ ‑kaa nɩkpla 'nyɩ ɔ paa bhubhu sa valʋ bhlaa ‑mɔɔ na.

'Ŋlɔa ya 'ciŋodico valɩ. Ɔmɔ ‑cɩ ka 'lɛ letiepɛ 'ma ɩya ɔ 'ka 'bhlɩa 'fɩan 'kʋ 'la ncɛlɩa kpa. 'Nyɩ ma ya ɔla 'cileea 'ma 'nyɩ ma yɔɔ Laagɔ ɩya ɔla nyɩbhɛlɩkpoa cɩ fa. Na 'ŋlɔa ya 'gu 'nyɩ ɔ ya 'pʋpʋa nɩkplaan mʋ, gbazɩa Laagɔ gba 'lɛ 'nyɩ ma bhɔsʋɔ 'lɛ sakʋda le ma 'kɔɔ 'yɛpɩ lolulu ‑aan clɩɩ ‑tabhlu clɩɩ gwlɩɩ 'kʋgba ɩya clɩɩ gwlɩɩ ‑mɔta (1260).

'Nyɩ ‑daa ghleda bhlo ya ‑awlɛ ‑laagɔa nɩkplaan ‑zɔnwlʋ: ‑Gbɔgbʋmlɛ 'kadie bhlo, ɛ ‑zaa le ‑kosu. Ɛ ‑kaa 'wli ‑ngbɔɔsɔ ɩya 'gwɩ 'kʋgba 'nyɩ nyɩbhɛlɩkpoonkpu 'kʋa 'lɛ 'wli ‑naa 'kʋ. Ɛla ‑goa nylupua ‑laagɔɔn 'la ‑zɔlʋa 'la ‑mɔta cea 'nyɩ ɛ 'kɔsɔlʋʋ ‑dʋdʋa 'kʋsa. ‑Gbɔgbʋmlɛa ya 'ŋlɔa ‑ɔ ‑cɩ kaa 'lɛ valɩ na 'ci 'kʋ 'nylugo, le ɔ 'ka valɩ ‑jaa na, ɛ 'ka 'cileea li.

‑Ma, ma ya 'ŋlɔa kɩkɛ 'kadiea 'la ‑papua ‑mɔsɔa 'nyɩ, le ɔ 'ka ‑bluu ɩya ɔ 'ka 'pʋpʋa nɩkplaan mʋ, gbazɩa ‑ɩ tlʋ 'lɛ tlɛa cɩda 'nyɩ ma bhɔsʋa 'lɛ ɔla gbʋ, le ma 'kaa 'mɔɔ lolulu ‑aan liowlia ‑mɔta ɩya 'kle nɩkplaan na. Na, tlɛa ya 'nyu ‑ʋ kɔlɔ 'lɛ le 'nyɩdɔlʋ na gɔzɩɛ le ʋ 'ka 'ŋlɔa famʋ. ‑Ma ‑dʋdʋa ya 'ŋlɔa 'kʋ ci: Ʋ ya cɩ ‑sasalɩ 'nyɩ ʋ ya 'nyidɔlʋa ‑gbɔgbʋmlɛa gɔzɩɛa 'lɛ na, mla.