Popular Bible Verses from 1 Kolt 6

Share

Ka a 'ta 'lɛ sɛɛ ‑ci lebhe ‑Kplɔkplɔ ‑Wugoa* Laagɔ 'nyɩ 'lɛ anyɩ, 'nyɩ ‑ʋ ‑kʋ 'lɛ anyɩ nɩkplaan na, ala 'nyɛkɛa glɩ 'lɛ ʋla gʋgwlapalʋ bha? Ka a 'ta 'lɛ sɛɛ ‑ci lebhe a 'ta acɩ nɩnɩ bha? Dlu ma ‑plʋ 'lɛ 'nyɩ ma ya 'lɛ anyɩ nɩkplaankplɩ. 'Dɛndlana, a 'ma ala 'nyɛkɛa ɩya a ‑gba Laagɔ 'klʋ.

Na, ka a 'ta 'lɛ sɛɛ ‑ci lebhe maa ‑ɔ ‑ka 'lɛ 'nyisasʋ na, maa cɩ 'ta Laagɔ 'la Nyɩbhɛlɩdua* ‑aja 'kʋ lili bha? A 'la 'nyiglilia acɩ! ‑Badaaglulinya, ‑zliigʋgwlanya, ŋlʋmatɩnya, ŋodiea ‑ɔ 'cɩcɩlɩ 'lɛ, 'winya, lɩɩguguonya, nʋgbumlanya, ncaavlanya ɩya ‑bhɩakpanya, maa cɩ 'ta Laagɔ 'la Nyɩbhɛlɩdua ‑aja 'kʋ lili.

Na, a 'gulu ‑badaaglu! Sa ‑daa nyinyia ‑tɛtɛa nclɔɔ nʋ 'lɛ na, 'ɩ ble 'ta ɔla 'nyɛkɛa nɩkplaan. ‑Ma ‑badaaglulinyɔ, ɔmɔ 'titi ɔla 'nyɛkɛa ɔ nʋ 'lɛ nyinyi.

«N ‑ka ‑tɛtɛa 'fɩan 'la ‑jioli,» ‑ma ‑tɛtɛa 'fɩan 'ta nʋda nanɩ. «N ‑ka ‑tɛtɛa 'fɩan 'la ‑jioli,» ‑ma 'n cɩ 'ta lʋʋ ‑ylɛylɛ ne te ɩya ʋ 'kaan ʋla geyu ple.

Na, Laagɔa ‑ɔ ‑bho 'lɛ ‑Kwlenyɔa 'kwɩɩn 'kʋ na, ɔ cɩ 'ka ‑anyɩ 'kwɩɩnkʋbho ɔla 'tɛtɩa nɩkplaan.