Popular Bible Verses from Bafilipi 3

Share

Luli banabahesu, ha ni hupuli kuli ni se ni fumani mupuzo. Kono ni eza nto ye ñwi. Ni libala ze kwamulaho wa ka, mi ni eza mo ni konela kaufela ku fita ku ze kwapili. Cwalehe, ni matela kwa sikonkwani kuli ni fumane mupuzo, ili bupilo sakata bwa lihalimu, bo Mulimu a ni bizeza ku bona, ka Jesu Kreste.

Se ni bata feela, ki ku ziba Kreste ni maata a zuho ya hae, ku nyanda ni yena, ni ku swana ni yena mwa lifu la hae, ka sepo ya kuli ni na kasibili ni ta zuswa kwa bafu, ni pile.

Mi isiñi zeo feela, kono ni talima lika kaufela inge ki sinyehelo, kabakala bufumu bo butuna ni ku fita bwa ku ziba Jesu Kreste Mulen'a ka. Kabakala hae, ni ambukile lika kamukana. Ni se ni li talima inge matakala feela, ili kuli ni be, mi ni siyale ni Kreste

Kono lika zeo, ze ne ni bala kuli ki za butokwa, ka nako ye ni li talima inge ki sinyehelo, kabakala Kreste.