Popular Bible Verses from Mateu 21

Share

Ha mu lumela, mu ta amuhela ze mu kupa kaufela ka tapelo.”

Jesu a ba alaba, a li, “Kaniti na mi bulelela, ni li, ‘Ha mu lumela mu sa hononi, ni mina mu ta kona ku eza se ni ezize kwa kota ye ya feiga’. Mi isiñi se feela, kono mane mu ta kona ku bulelela lilundu le kuli, ‘Nanuha, u itatele mwa liwate,’ mi li ta eza cwalo.

Batu ba bañata, ba ba ne ba zamaya fapili ni mwamulaho wa Jesu, ba kala ku huwa, ba li, “Ku lumbekwe Mwan'a Davida! Mulimu a tohonolofaze ya taha ka libizo la Mulena! Ku lumbwe Mulimu mwa lihalimu!”

Mi a li ku bona, “Ku ñozwi kuli, ‘Ndu ya ka i ta bizwa ndu ya tapelo.’ Kono mina, mu i fetuzi maipato a masholi!”

“Mu bulelele munzi wa Sione, mu li, ‘Bona, mulen'a hao ki yo! U taha ku wena, a ishuwile, mi u pahami fa mbongolo, u pahami fa kambongolo, mwan'a mbongolo.’ ”

Jesu a li ku bona, “Kana kikuli ha mu si ka bala se si ñozwi kuli, ‘Licwe le li kendilwe ki bayahi ki lona le li fetuhile licwe le li tiisize lilulu la ndu. Ki sona se si ezizwe ki Mulena, mi ku luna ki nto ye komokisa luli!’ ”

Kiha ni li ku mina, “Mu ta amuhiwa Mubuso wa Mulimu, mi u ta fiwa sicaba si sili, se si ta kutiseza Mulimu miselo ye lukela.