Popular Bible Verses from Magalata 6

Share

Cwale lu si ke lwa katala ku eza ze nde. Ha lu sa zwafi, lu ta kutula ka nako ya teñi.

Cwalehe, lu ezeze batu kamukana ze nde, ha lu sa na ni nako, sihulu bahabo luna ka tumelo.

Mu tusane ku lwalisana milwalo. Ka ku eza cwalo mu ta be mu petile mulao wa Kreste.

Mu si ke mwa ipuma. Mulimu h'a pumiwi. S'a cala mutu ki sona s'a ta kutula.

H'a cala z'a susuezwa ki litakazo za mubili wa hae, ku zona u ta kutula lifu. H'a cala z'a susuezwa ki Moya, ku zona u ta kutula bupilo bwa kamita.

Banabahesu, haiba mutu yo muñwi a ka fumanwa a nz'a fosa, mina ba ba na ni Moya wa Mulimu, mu mu kutiseze mwa nzila ye lukile. Kono mu eze cwalo ka mukwa o munde. Mu tokomele, kuli mu si ke mwa kena mwa muliko ni mina.

Haiba yo muñwi a ipahamisa, kanti ili mutunyana feela, wa ipuma ili yena. Yo muñwi ni yo muñwi a tatube likezo za hae. Haiba ki ze nde, a ka ikuhumusa ka s'a ezize, kono isiñi ka ku si likanyeza ni se si ezizwe ki yo muñwi. Yo muñwi ni yo muñwi u swanezi ku lwala mulwalo wa hae.