Popular Bible Verses from Magalata 5

Share

Kono muselo wa Moya ki lilato, ni tabo, ni kozo. Ki pilu-telele, ni musa, ni bunde, ni busepahali. Ki ku ishuwa, ni buiswalo. Ha ku na mulao o hana ze cwalo.

Se ni bata ku mi bulelela ki se. Mu lisele Moya o Kenile u zamaise bupilo bwa mina, mi ha mu na ku eza ze lakazwa ki mubili.

Moya u lu file bupilo, mi ki ona o' swanezi ku zamaisa bupilo bwa luna.

Ba ba ipeile ku Jesu Kreste, ba bulaile litakazo ni ze latwa ki mibili ya bona kaufela.

Ha lu latelela litakazo za mibili ya luna, ku bonahala bubuki, ni buhule, ni mikwa ye maswe ye tampakani. Ku bonahala ku lapela milimu ya maswaniso, ni buloi. Batu ba toyana, ba lwana, ba shwelana muna. Ba tabela lutimbo, ni lifapahano. Ba ikeza litopa-topa ze lwanisana. Ba ciwa ki litakazo, ba takwa ni ku ca ku tula tikanyo, mi ba eza ze ñwi ze cwalo. Na mi lemusa cwale sina ha ni se ni mi lemusize pili kuli ba ba eza ze cwalo ha ba na ku lumelelwa ku kena mwa Mubuso wa Mulimu.

Haili mina banabahesu, mu bizelizwe tukuluho. Kono tukuluho yeo i si ke ya fetulwa buikalabelo bwa ku buswa ki litakazo za mibili ya mina. Kono mu sebelezane ka lilato.

Kakuli se si lakazwa ki mibili ya luna, ha si lumelelani ni se si lakazwa ki Moya, mi se si latwa ki Moya ha si lumelelani ni se si latwa ki mubili. Zeo ze peli za lwanisana kuli mane mu palelwe ku eza ze ne mu bata ku li eza.

Kakuli Mulao kaufela u akalelizwe mwa taelo i liñwi, ye li, “Lata wahenu sina mo u itatela.”

Lu si ke lwa ikuhumusa, kapa ku nyemisana, kapa ku ñenehela ba bañwi.

Kreste u lu lukuluzi kuli lu be ba ba lukuluhile luli! Mu tiye sina batu ba ba lukuluhile, mi mu si ke mwa lumela ku kutela mwa butanga hape.