Popular Bible Verses from Baefese 6

Share

Kakuli ndwa ye lu lwana, ha lu i lwani ni batu, kono lu i lwana ni mioya ye maswe ye maata ye mwa mbyumbyulu, ni malena ni mibuso ya sibaka seo sa lifu.

Zeo kaufela mu li eze ka tapelo, mu nze mu kupa tuso ku Mulimu. Mu lapele ka linako kaufela, mu nze mu susuezwa ki Moya. Kabakaleo, mu tokomele, mi mu si ke mwa zwafa. Mu lapelele balumeli kaufela.

Mu swale lilwaniso kaufela z'a mi fa Mulimu, kuli mu kone ku tiya ha mu talimana ni makilikicani a maswe a Satani.

Kabakaleo, mu nge lilwaniso kaufela za Mulimu kuli, nako ye maswe ha i ka taha, mu kone ku itwanela ni ku tiya, mane ndwa i be i fele mu si ka shenya.

Ka nako kaufela mu lwale tebe ya mina ili yona tumelo. Ka yona mu ta kona ku taka masho kaufela a' tuka, a' zwa ku ya maswe. Ku puluswa ku be kuwani ya mina, mi linzwi la Mulimu i be yona sabule ye mu ta fiwa ki Moya.

Cwalehe, mu yeme, mu itukise. Niti i be lukanda lo mu itamile ka lona mwa teka. Ku luka i be sona sisilelezo sa fa sifuba. Ciseho mwa ku bulela Litaba ze Nde za kozo i mi tuse sina makatulo kwa mahutu a mina.

Ka ku feleleza, mu tiyele ku Mulena, ya kona ku mi matafaza ka maata a hae a matuna.

“Kuteka ndat'aho ni m'aho’. Wo ki mulao wa pili o' na ni sepiso ye ekelizwe kwateñi. Sepiso yeo i li, “Kuli u kondelwe ki lika kaufela, mi u pile nako ye telele mwa lifasi.”

Bana, ki swanelo ya mina fapil'a Mulena, kuli mu utwe bashemi ba mina, kakuli ki nto ye lukile ku eza cwalo.