Popular Bible Verses from Baefese 5

Share

Cwale, ha mu li bana ba ba latiwa ki Mulimu, mu like ku mu likanyisa. Mu pile mu nze mu zamaiswa ki lilato, sina Kreste ya lu latile, mane a fana bupilo bwa hae kabakala luna, i be mpo ni sitabelo sa muunko o munati se si tabisa Mulimu.

Cwalehe, mu tokomele mo mu pilela. Mu si ke mwa pila sina ba ba sa zibi, kono mu pile sina ba ba butali. Nako ifi ni ifi kaufela mu i sebelise hande, kakuli mazazi a lu pila ku ona a maswe.

Mu si ke mwa kolwa ki bucwala. Bu ta mi sinya. Hakulicwalo mu tale Moya. Mu ambolisane za lipina ze mu opelela Mulena mu nze mu mu lumba mwa lipilu za mina. Ka nako kaufela, ni mwa lika kamukana mu itumele ku Mulimu Ndate, ka libizo la Mulen'a luna Jesu Kreste.

Fohe, mu si ke mwa swana ni litoto, kono mu like ku fumana s'a bata Mulena kuli mu si eze.

Banna, mu late basali ba mina sina Kreste h'a latile Keleke, mane a fana bupilo bwa hae kabakala yona.

Sapili ne mu li mwa lififi. Kono cwale, kabakala kopano ye mu na ni yona ni Mulimu, mu mwa liseli. Hakulicwalo, mu pile sina batu ba ba mwa liseli.

Yo muñwi a ipeye kwatas'a yo muñwi, kabakala likute le mu kuteka Kreste ka lona.

Basali, mu ipeye kwatas'a banna ba mina, sina mo mu ezeza ku Mulimu.

Ni mina cwalo ya mi ama! Munna kaufela u swanezi ku lata musal'a hae sina mw'a itatela, mi musali kaufela u swanezi ku kuteka munn'a hae.

Sina mo ku ñolezwi kuli, “Kabakaleo, munna u ta siya ndat'ahe ni m'ahe, a pile ni musal'a hae, mi bao ba babeli ba ta ba mubili u li muñwi feela.”

Mu ambuke lika ze si na tuso ze ba eza mwa lififi, kapa mane mu li tise mwa liseli.