Popular Bible Verses from Filipensenan 4

Share

No preokupá pa nada, sino den tur sirkunstansia presentá boso petishonnan na Dios den orashon i semper ku gradisimentu.

I e pas di Dios ku niun hende no por komprondé, lo warda boso kurason i mente den union ku Kristu-Hesus.

Pa konkluí, rumannan: pensa riba tur loke ta berdadero i noble, hustu i puru, agradabel i honorabel. Si tin kiko ku ta, ku ta bon i ku ta digno di alabansa, pensa riba eseinan.

Mi por enfrentá tur kos pa medio di Esun ku ta duna mi forsa.

Keda semper kontentu den Señor! Mi ta ripití: Keda kontentu!

I mi Dios lo kumpli ku tur boso nesesidatnan for di su rikesa glorioso, pa medio di Kristu-Hesus.

Pone loke boso a siña, risibí, tende i mira di mi, den práktika. I Dios ku ta duna pas, lo ta huntu ku boso.

Laga tur hende mira kon amabel boso ta. Señor ta serka!

Mi sa kiko ke men biba pober i biba den abundansia. Den tur sirkunstansia i tur kaminda, mi a siña kiko ta nifiká kome barika yen òf pasa hamber; di biba den abundansia òf biba den nesesidat.

Mi no ta bisa asina, pasobra mi ta sinti falta di algu, ya ku den tur sirkunstansia, mi a siña biba ku loke mi tin.