Popular Bible Verses from Hakobo 1

Share

Mi rumannan, ora boso konfrontá ki sorto di prueba ku ta, tuma esei komo un oportunidat pa ta kontentu. Pasobra manera boso sa kaba, prueba den fe ta siña hende soportá sufrimentu ku fortalesa.

Si kualke un di boso falta sabiduria, resa pidi Dios i lo E duna bo e, pasobra Dios ta gusta duna tur hende sin límite, sin tira nada na nan kara.

Mi rumannan stimá, tene kuenta ku loke mi a bisa i sea ansioso pa skucha, pero lento na papia i na rabia!

I sòru pa e fortalesa ei hiba boso na madures kompleto i na un bida ireprochabel i pa boso no faya den nada.

No gaña boso mes i kere ku djis skucha palabra di Dios ta sufisiente; sea hende ku ta pone e mensahe den práktika!

Felis ta e hende ku ta para firme no opstante e pruebanan ku e ta pasa aden. Ora e pasa e pruebanan ku éksito, lo e risibí bida komo premio, un korona ku Dios a primintí esnan ku ta stim'É.

Tur don perfekto i tur kos bon ku nos risibí ta bini di shelu, di Dios ku ta Kreador di tur e astronan selestial. E sí no ta kambia nunka manera nan; E no ta kambia di posishon, laga nos den sombra di skuridat.

Esun ku ta djis skucha e palabra di Dios sin kumpli kuné, ta manera un hende ku despues di wak su mes kara den spil, ta kita bai i lubidá ki sorto di aparensia e tin!

Ata aki loke Dios Tata ta konsiderá dedikashon puru i ireprochabel: buska drechi di e wérfano i biuda ku ta pasa trafat, i wak pa maldat di e mundu akí no susha bo.

Si un hende ta hañ'é tentá pa prueba, e no mester bisa: ‘Ta Dios mes ta hasi pa mi kai den tentashon,’ pasobra maldat no por tenta Dios, ni Dios mes no ta hasi pa hende kai den tentashon! Pero un hende ta hañ'é den tentashon dor di su mes mal deseonan ku ta sedusié i koutiv'é.

E ruman den fe sin moda mester ta kontentu ku e tin gran balor