Popular Bible Verses from 1 Tesalonisensenan 5

Share

Sea semper kontentu; resa kontinuamente; yama Dios danki bou di tur sirkunstansia, pasobra esei ta loke Dios ta deseá di boso komo hende ku ta kere den Kristu.

Ku Dios mes ku ta e Dios di pas hasi boso kompletamente santu i warda boso spiritu, alma i kurpa, sin mancha, pa binida di nos Señor Hesu-Kristu. Dios ku ta yama boso ta fiel i E lo kumpli.

Mira pa niun hende no paga malu ku malu, pero semper buska pa hasi loke ta bon pa e otro rumannan i pa tur hende.

P'esei kurashá i yuda otro krese manera boso ta hasi kaba.

Nos ke ekshortá boso, rumannan, pa hasi lo siguiente: koregí esnan ku ta indisipliná, kurashá esnan ku ta desanimá, yuda esnan ku ta débil i tene pasenshi ku tur hende.

Pasobra Dios no a destiná nos pa haña kastigu, pero pa risibí salbashon pa medio di nos Señor Hesu-Kristu.

Pasobra boso ta yu di lus, hende ku ta biba den klaridat di dia. Nos no ta di anochi ni di skuridat!