Popular Bible Verses from Ɖɛhan 18

Share

Un yí wǎn nú we Mawu Mavɔmavɔ. Hwi wɛ nyí hlɔ̌nhlɔ́n ce.

A ɖo kpɔ́ xá mì ɔ́, un nɔ zɔn mɛ e fɔ alǐnnyánú kplá, bó tɔ́n ahwan mì lɛ́ɛ jí. Mawu ce ɖo kpɔ́ xá mì ɔ́, un nɔ lɔ́n d'asá ahohó.

Mawu Mavɔmavɔ wɛ nyí só ce; é wɛ nyí ahohó ce; é wɛ nyí mɛhwlɛ́ngántɔ́ ce, é wɛ nyí Mawu ce, só ce; é glɔ́ wɛ un nɔ hɔn hwlá cí. É wɛ nyí gǎglónú ce; é wɛ nyí hlɔ̌nhlɔ́n e nɔ hwlɛ́n mì gán é. É glɔ́ wɛ un hɔn hwlá cí.

Yɔdo lɛ́ɛ nyi kan lɛ́ lɛ̌ dó mì; kú nyi ɖɔ dó fyán mì.

A nɔ hwlɛ́n togun e nɔ sɔ́ éɖée hwe ɔ́ gán, bó nɔ́ sɔ́ mɛ e nɔ sɔ́ éɖée su ɔ́ hwe.

Mawu mǐtɔn ɖɔhun we ɖe ǎ; Mawu Mavɔmavɔ wɛ é nyí. Mawu mǐtɔn ɖokpónɔ géé wɛ nyí só e wú mǐ gán jɛ é.

Toɖévomɛnu lɛ́ɛ nɔ́ dán ɖě wa gbɔn; yě nɔ́ tɔ́n sín ahohó yětɔn lɛ́ɛ mɛ bɔ ahohó lɛ́ɛ nɔ́ jɛ vɔ̌.