Popular Bible Verses from Jǎan 3

Đó Mawu yí wǎn nú gbɛtɔ́ sɔ mɔ̌, bó sɔ́ Vǐɖokpónɔ tɔn jó, bónú mɛ e ná ɖi nǔ n'i lɛ́ɛ ɖěbǔ ma dɔn ó; lo ɔ́, yě bǐ ní mɔ gbɛ mavɔ mavɔ.

Mawu sɛ́ Vǐ tɔn dó gbɛ ɔ́ mɛ, bónú é ná wá ɖó hwɛ nú gbɛtɔ́ lɛ́ɛ ǎ; lo ɔ́, é ná wá hwlɛ́n yě gán wútu wɛ.

Jezu ka yí gbe n'i ɖɔ: “Má ɖɔ nǔgbó nú we: ényí mɛɖé má vɔ́ jɔ ǎ ɔ́, é sixú mɔ axɔ́súɖuɖu Mawu tɔn ɔ́ ǎ.”

Mɛ e ɖi nǔ nú vǐ ɔ́, Mawu ná ɖó hwɛ n'i ǎ; mɛ e ma ka ɖi nǔ n'i ǎ ɔ́, Mawu ko ɖó hwɛ nú mɛ énɛ́ xóxó, ɖó é ɖi nǔ nú Vǐɖokpónɔ Mawu tɔn ǎ wútu.

Nǔ e ka dɔn hwɛɖónúmɛ énɛ́ wá ɔ́ wɛ nyí ɖɔ: wěziza wá gbɛ ɔ́ mɛ, gbɛtɔ́ lɛ́ɛ ka yí wǎn nú zǐnflú hú gǎn wěziza ɔ́, ɖó nǔ nyanya wiwa yětɔn lɛ́ɛ wútu.

É jɛ xá ɖɔ éyɛ́ ní ɖo susu xɔ wɛ, bónú susu nyɛtɔn ná ɖo ɖiɖe kpo wɛ.”

Nǔnyanyawatɔ́ nɔ gbɛ́ wǎn nú wěziza, bó nɔ lɔn ná sɛkpɔ́ ǎ; ɖó nǔ nyanya e é nɔ wa lɛ́ɛ táá wá jɛ wěxo.

Mɛ e ɖi nǔ nú Vǐ ɔ́, mɔ gbɛ mavɔ mavɔ; mɛ e ma ka se tónú nú vǐ ɔ́ ǎ ɔ́, é ná mɔ gbɛ mavɔ mavɔ ǎ; lo ɔ́, xomɛsin Mawu tɔn ɖo jǐ tɔn.”

Lě e Mɔyízi sɔ́ dan ɖó jǐ gbɔn ɖo gbětótló mɛ ɔ́, mɔ̌ ɖokpó ɔ́ wɛ è nǎ sɔ́ Gbɛtɔ́ví ɔ́ ɖó jǐ

Tɔ́ ɔ́ yí wǎn nú Vǐ ɔ́, bó sɔ́ nǔ lɛ́ɛ bǐ dó alɔ tɔn mɛ.