Popular Bible Verses from Hebreuge 4

Share

Tà le Nube è tà ke tò kumgajer ke ra kule ngain dum kuye kaskar ke ate ngang joo. E aw sár tee ngarankem̂ doo’t se tàgir le’n, se dè kur rage se wubu ke kem̂ kinge ra’t a tɔ. Tà le Nube ndi ter tàgir le doo ke dè ɓengrenn’t se nyan ke doo ɔje kem̂n’t le ra ɓai a tɔ.

Ade j’agi ngɔr kɔte kutu-ngar’t le Nube ke njè kem̂noje se kem̂nda káng. Loo nè nga Nube à ade kem̂’n à tin mbit dè jéi’t, à ade jèi nyan-noje ke à ra se jéi ndɔ ke kanm’t ɓai.

Kerɔte kuwe, maw njèkuje nyan-mese le jéi nga ase ra se jéi dè yaige’t le jéi kuwe. Loo ke ndɔ nain dè nang nè ɓai nga, nyange nan’n titeke nan’n jéi bè tɔ, nè è ute kaiya mbeng.

Nyankunde le Nube karé bè ke ɓɔyɔ ra’n tàkumn’t goto. Nyan malang tò nata ndái-ndái tàkum è ke ndɔn’t j’à tutei go nyanra jéi kadi nin.

Ade j’uwei kundekem̂ ke j’ilei mber’n nga mong tede j’awi se njèkuje nyan-mese ke bò. Njèkuje nyan-mese ke bò nè nga è Jésu Ngonn le Nube ke unde kem̂ danran ndàt gang aw sár ra Nube’t nú.

Ade jè pabrai loo par-par tede kile nja jéi loo taa kebe’t nè nga. Maje kade doo karé tel è njè dum nan tite kosdooge ke Israel ɔse’n loo taa kebe ke get nè nga pat nal lé.