Popular Bible Verses from 1 Pierre 4

Share

I tári nan se kem̂nda káng. E ke nè á i rai kété gar-gar. Oiyo, tár nan nga utu dè kaiyage bule ngain.

Nube ade sei nyan-nojege ke se ri de-ri de. Bè ɓaa, maje kade nanan géa kai tà nyan-noje ke Nube ade’n nga ade njé ke rang se’n tɔ. Kerɔte kuwe, sei sei njékan dè nyan-majege le Nube.

Ke nè á doo karé aw se nyan-noje ke ɔje dè kɔrgir tà ɓaa, maje kade ile’n mber tà le Nube se go rebe’n. Ke nè á doo karé è ngonn njèkule le madennge ɓaa, maje kade ra kule nè nga se tɔgmong ke Nube ade’n. I rai titeke bè tede kade d’ile’n riɓar dè Nube’t ɔje dè nyange malang takul Jésu-Krist. Riɓar se tɔgmong ei le Nube sár se non. Maje kade è titeke bè kuwe.

Nè ke nè á nyankem̂kon ra doo tede k’ee ke è njètaakem̂-Krist ɓaa, maje kade ade ra’n sɔl’n lé, nè maje kade ra Nube’t oiyo tede ri Krist ke è unn.

Ndɔ le ngei nyange malang è ngɔr ta. I njiyei se kumkunju’n a, i ndii kum dè kɔje tà se Nube’t a tɔ.

Kotárge le’m, nyan ke tee dè si’t asenan se por ke on bilm-bilm bè nga, an-in ke nyankɔbe ke tee dè si’t pan lé. E nyan ke tee le nan kundekem̂ le si. Nè maje kade i rai ranel tede korè ke sei oréi nan se Krist dè nyankem̂konge ke ra’n. Ndɔ ke Krist à tel ree dann ndubra le’n tàkum dooge’t malang ɓaa, sei géa a ali ra si tɔ.

I rai nan mba se kem̂nda káng anje ɓar tà nyon-nyon.

Bè ɓaa, njé ke nyankem̂kon ra de tede kile ke ilei koje dè Nube’t nga, maje kade inyei ra de bere mbak ji Njèkunde de’t, rai nyange ke maje kum de kété. Nube ke njèkunde de nga inye go ndukunn le’n ndan lé.

Krist nga nyankem̂kon ra ra’n. Sei géa, maje kade unni tàgir le Krist nè nga ke nyankate le rɔ’n se kaiya. Doo ke nyankem̂kon ra ra’n nga à ebe ra’n dè ra majelé’t. E ebe ra’n dè ra majelé tede le ra nyange ke kem̂ dooge ndige nga ndan lé, nè le ra nyan ke kem̂ Nube á ndige loo ke è ndii’n kumgajer dè nang nè ɓai.

Ke nè á dé taje sei tede ri Krist ɓaa, i rai ranel tede Ndil Nube ke njè ndubra nain se si.