Popular Bible Verses from 1 Pierre 3

Share

Krist kuwe karé bere á è Kuwe-ɓee le si. Undei nin se ninn’n dè ɓengre si’t. Uwei dè nja ra si le kade nanan ke deje sei tà ɔje dè kundekem̂ tchên’t le si ɓaa, ɔri gir adi nin. Nè ilei nanan géa dè’t se ndu noje a, se kile koje a tɔ. Adi tàgir ke kem̂ si’t è ke maje se ndɔge-ndɔge. Titeke bè á njé tête tà kunde tà sige’t se njé tam tàge ke majelé dè pa njiye si ke maje ɔje dè njétaakem̂-Kristge nga, à ndii dann rasɔl’t.

Oiyo, kum Kuwe-ɓee tò dè njé ra nyan se dè najennge. E ur mbi’n oo’n tàge ke ɔji se’n. Nè è unn kum’n mbeng dè njé ra nyan majelége.»

I sangi rebe rai mande se nyange ke ra si’t nata karè lé. Nyange ke tite kuwe dè si a, tule ninge-kasege ke ra se nar-ɔr a, tule kubuge ke maji ngain ke mbirin-mbin a tɔ. Nè maje kade i sangi mande ke dè ɓengre si’t tá. Kaw lom-lom se ndi lom á ei nyange ke à udi lé taɓai ei nyange ke gate de è ngain tàkum Nube’t.

Magtub ke tò se ninn’n tam ede nè: «Doo ke ndige le ndi lom a, ndige le kan ndɔge ke maje ɓaa, maje kade ebe ra’n dè tà ke majelé’t a, dè tà libe kum dooge’t a tɔ.» Maje kade ute ra’n mbeng dè nyanrage ke majelé’t, tel ra nyan ke maje se ndɔ’n-ndɔ’n. Maje kade sang kem̂lom a, ɔr dè nja’n têr-têr a tɔ.

I ndigi tà go nan’t malang a, unni kum si dè nan’t lé a, i ndigi nan tite ngakon nange bè a, i rai kem̂kanm se nan a, ulei dè si adi nan a tɔ. I rai majelé se doo gute majelé ke ra se si’t lé a, i teli taji doo ndu ke taje sei nga lé a tɔ. Nè i tɔri ndu si dè dooge’t tede sei nga Nube ɓar sei kade ingei ndutɔr.

Ke nè á ra si ɔlé pêl-pêl dè nyanra ke maje’t ɓaa, ké nan à in ra se si nyan ke majelé wa?

Maje kade ute ra’n mbeng dè nyanrage ke majelé’t, tel ra nyan ke maje se ndɔ’n-ndɔ’n. Maje kade sang kem̂lom a, ɔr dè nja’n têr-têr a tɔ.

E soo’t kade nyankem̂kon rai ɔje dè nyanrai ke maje. E ke nè á è nyan ke kem̂ Nube ndige dum kade nyankem̂kon rai ɔje dè nyanrai ke majelé.