Popular Bible Verses from Sofoníi 3

Share

Mawu Mavɔmavɔ, Mawu towe ɖo kpɔ́ xá we. É dó hlɔ̌nhlɔ́n, bó ná jiɖiɖe we, ɖɔ a nǎ ɖu ɖ'é jí. É ɖo awǎ jɛ wɛ ɖó hwi wútu. Wǎn yíyí tɔn ná gbɛ yɔ̌yɔ́ we. É ɖo xomɛhunhun mɛ ɖó hwi wútu.

Hwenɛ́nu ɔ́, un ná kplá mi wá xwé, bó ná kplé mi ɖó kpɔ́. Mi ná mɔ lě e un ná húzú gbɛ mitɔn gbɔn é. Un ná ná susu mi, bɔ è nǎ nɔ mlá mi ɖo togun e ɖo ayǐkúngban jí fí lɛ́ɛ bǐ mɛ.” Mawu Mavɔmavɔ wɛ ɖɔ mɔ̌.

Mawu Mavɔmavɔ ɖe hwɛ e è ɖǒ nú mi é síin. É nya kɛntɔ́ mitɔn lɛ́ɛ dó gbě. Mawu Mavɔmavɔ Izlayɛ́li xɔ́sú ɔ́ ɖo kpɔ́ xá mi, nǔ nyanya sɔ́ ná ɖó adohu nú mi ǎ.

Hwenu e un ná dɔn tó nú mɛ e táfú mi lɛ́ɛ dó ɔ́ ɖíe su e. Un ná klɔ́ akpa nú mɛ mitɔn e gblé wǔ lɛ́ɛ. Un ná kplá mɛ e ɖo kannumɔgbénu lɛ́ɛ wá xwé. Un ná bló bɔ mi ná xɔ susu, bɔ nyǐkɔ mitɔn ná yi jǐ gbɔn fí e mi ɖu winnyá gbɔn ɖo ayǐkúngban jí lɛ́ɛ bǐ.