Popular Bible Verses from Hlɔ̌manu 2

Share

Nya ce, hwi mɛ e nɔ ɖo hwɛ dó yě mɛ e nɔ ɖo nǔ énɛ́ lɛ́ɛ wa wɛ, bó ka ɖo nǔ ɖokpó ɔ́ wa wɛ yě ɖɔhun ɔ́, a vɛdó ɖɔ émí ná gán ɖo hwɛɖɔxámɛ Mawu tɔn mɛ wɛ sín a? Abǐ a vɛdó ɖɔ émí ná hu tɛ́ nú xomɛnyínyɔ́ ɖaxó Mawu tɔn ɔ́ kpó sɔxwixwe tɔn kpó, kpódó xomɛfífá tɔn ɖaxó ɔ́ kpó wɛ sín a? Abǐ a tunwun ɖɔ xomɛnyínyɔ́ Mawu tɔn ɖo dindɔn we wɛ nú a na lɛ́ kɔ sín hwɛ towe lɛ́ɛ gúdo ǎ cé?

Hwi mɛ e ɖo hwɛ dó mɛ ɖě lɛ́ɛ wɛ ɔ́, a na bo nyí nǔ ɖěbǔnɔ ɔ́, kɛnklɛ́n sɔ́ ɖ'é mɛ nú we ǎ; ɖó hwenu e a ɖo hwɛ dó mɛ ɖě lɛ́ɛ wɛ, bó ka nɔ ɖo nǔ ɖokpó ɔ́ wa wɛ yě ɖɔhun ɔ́, hwɛ ɖó nú hwiɖée wɛ a ɖe.

Đó Mawu nɔ ɖe mɛɖé ɖó vo ɖo mɛ ɖé mɛ ǎ.

Đó ényí mɛ e nɔ ɖótó sɛ́n lɛ́ɛ kpowun lɛ́ɛ wɛ nɔ nyí hwɛjijɔnɔ ɖo Mawu nukɔn ǎ; lo ɔ́, mɛ e nɔ bló nǔ e sɛ́n lɛ́ɛ zɔ́n lɛ́ɛ wɛ nɔ nyí hwɛjijɔnɔ ɖo nukɔn tɔn.

Gbe énɛ́ gbe ɔ́, Mawu ná sú nǔ e mɛ ɖokpó ɖokpó wa ɔ́ sín axɔ́ ɛ.

Lo ɔ́, Mawu ná sin xomɛ ɖésú dó mɛ e nɔ fɔ́n gǔ dó jǐ tɔn, bó ma nɔ́ se tónú nú nǔgbó ɔ́ ǎ, bó nɔ́ kpo nú nǔ nyanya wiwa kɛ́ɖɛ́ lɛ́ɛ é.

A ka tlí tó; a ɖo gbesisɔ mɛ bó ná lɛ́ kɔ sín hwɛ towe lɛ́ɛ gúdo ǎ; énɛ́ wútu wɛ a ɖo tó dɔn nú mɛ ɖaxó ɖé sín nǔ sɔ́ ɖ'ayǐ nú hwiɖée wɛ nú gbe e gbe Mawu ná ɖe xomɛsin tɔn kpó hwɛjlɔ́jlɔ́ ɖiɖɔ tɔn kpó xlɛ́ é.