Popular Bible Verses from Hlɔ̌manu 14

Share

Đó axɔ́súɖuɖu Mawu tɔn nyí nǔɖuɖu kpó ahan kpó sín xó ɖé ǎ; hwɛjijɔ kpódó fífá kpó, kpódó awǎjijɛ e Yɛsinsɛn nɔ ná mɛ ɔ́ kpó sín xó wɛ. Mɛ e nɔ wa azɔ̌ nú Klísu gbɔn mɔ̌ ɔ́, nǔ tɔn nɔ nyɔ́ Mawu nukún mɛ; gbɛtɔ́ lɛ́ɛ nɔ kpa ɛ.

Ényí mǐ kú ɔ́, mǐ kú nú Aklúnɔ. Énɛ́ ɔ́, nú mǐ ɖo gbɛ oo, mǐ kú oo, Aklúnɔ tɔn wɛ mǐ nyǐ.

Hǔn, mǐ ní bó ba nǔ e nɔ dɔn fífá wá, bó ná zɔ́n bɔ mǐ ná dó wǔsyɛ́n lanmɛ nú miɖée ɖo nǔɖiɖi mɛ é.

Hǔn, mǐ ní bó gɔn hwɛ dó mǐɖée. Gbeta e mǐ ná ɖe tɔ́n kpowun ɔ́ ɖíe: Mǐ ní ma wa nǔ e ná zɔ́n bɔ nɔví mǐtɔn ná klɛ́n afɔ, abǐ é ná jɛ hwɛ mɛ é ɖěbǔ ó.

Đó Mawuxówéma ɔ́ ɖɔ: “Nyɛ Aklúnɔ gbɛɖe ɔ́, un tɛ ɖɛ̌ jí ɖɔ: gbɛtɔ́ lɛ́ɛ bǐ ná jɛ kpo ɖo nukɔn ce, bɔ mɛ ɖokpó ɖokpó ná zé gbe yi jǐ, bó ɖɔ nyɛ Aklúnɔ ɔ́ wɛ nyí Mawu.” Énɛ́ ɔ́, mɛ ɖokpó ɖokpó ná ɖó nǔ e é ɖésúnɔ wa ɔ́ sín gbe nú Mawu.

Mi yí mɛ e ma ɖó gǎn ɖo nǔɖiɖi mɛ ǎ é ganjí, mi ma ɖɔ xó nyanya dó linlin tɔn lɛ́ɛ wú ó.

Mɛ nǎhún wɛ a nyǐ, bó ná dó hwɛ mɛsɛntɔ́ mɛɖěvo tɔn? É wa azɔ̌ tɔn ganjí kpó é ma wa ganjí kpó ɔ́, gǎn tɔn wɛ é kan. É ka ná wa azɔ̌ tɔn ganjí, ɖó Aklúnɔ ɖó acɛ e ná ɛ hlɔ̌nhlɔ́n bɔ é ná wa azɔ̌ tɔn ganjí é.