Popular Bible Verses from Hlɔ̌manu 13

Share

Lo ɔ́, mi ní sɔ́ Aklúnɔ Jezu Klísu dó awu ɖɔhun, bó ma sɔ́ jó miɖée dó nú ninɔmɛ gbɛtɔ́ tɔn e mi ɖó é, bó wa nǔ e jló e lɛ́ɛ ó.

Mi ma ɖu axɔ́ dó mɛ ɖěbǔ ó; nǔ ɖokpó géé sín axɔ́ wɛ mi ɖu dó miɖée; é wɛ nyí mi ní yí wǎn nú miɖée; ɖó mɛ e yí wǎn nú mɛ ɖě lɛ́ɛ ɔ́ se tónú nú nǔ e sɛ́n ɔ́ nɔ zɔ́n ɔ́ bǐ dégbédégbé.

Gbɛtɔ́ lɛ́ɛ bǐ ɖó ná se tónú nú acɛkpikpa e ɖo to ɔ́ nu lɛ́ɛ, ɖó acɛkpikpa ɖé tíin, bɔ Mawu ma ná gbe tɔn ǎ; acɛkpikpa e tíin lɛ́ɛ ɔ́, Mawu wɛ ɖó yě ayǐ.

Zǎn kó sɛ yi; ayǐ kó ɖo nǎ hɔ́n wɛ. Hǔn, mi nú mǐ ná jó nǔ e è nɔ wa ɖo ablu mɛ lɛ́ɛ dó, lobo fɔ ahwanfunnú e nɔ́ zɔ́n bɔ è nɔ fun ahwan ɖo wěziza nu lɛ́ɛ kplá.

Mɛ e yí wǎn nú mɛ ɔ́ nɔ wa nǔ nyanya ɖěbǔ dó nɔzo tɔn wú ǎ. Nú è yí wǎn nú mɛ hǔn, sɛ́n ɔ́ bǐ sésé se tónú ná wɛ è ɖe.

Nǔ e sín axɔ́ mi ɖu lɛ́ɛ ɔ́, mi sú mɛ e mi ɖu dó lɛ́ɛ bǐ. Mi sú kuzú mɛ e mi ɖu kuzú sín axɔ́ dó lɛ́ɛ; mi sú tokwɛ́ mɛ e mi ɖu tokwɛ́ sín axɔ́ dó lɛ́ɛ. Mi sí mɛ e mi ɖó ná sí é; mi wlí yɛ̌yi nú mɛ mi ɖó ná wlí yɛ̌yi ná é.