Popular Bible Verses from Nǔɖexlɛ́mɛ 9

Share

Gbɛtɔ́ e kpo bɔ nǔ nyanya énɛ́ lɛ́ɛ ma hu ǎ lɛ́ɛ lɛ́ kɔ sín nǔ e yě sɔ́ alɔ yě ɖésúnɔ tɔn dó bló ná lɛ́ɛ sinsɛn gúdo ǎ. Yě nɔ gɔn yɛ nyanya lɛ́ɛ sɛn ǎ; yě ka nɔ gɔn vodún e è sɔ́ siká dó bló ná lɛ́ɛ, ée è sɔ́ kpatágan dó bló ná lɛ́ɛ, ée è sɔ́ ganvɔ dó bló ná lɛ́ɛ, ée è sɔ́ awǐnnya dó bló ná lɛ́ɛ kpó ée è sɔ́ atín dó bló ná lɛ́ɛ kpán sɛn ǎ; nǔ énɛ́ lɛ́ɛ ka sixú mɔ nukúnnú ǎ; yě ka sixú se tónú ǎ; yě ka sixú ɖi zɔnlin ǎ. Gbɛtɔ́ énɛ́ lɛ́ɛ ka lɛ́ lɛ́ kɔ sín mɛhuhu, majíkiblóbló, agalilɛ kpó ajojija kpó gúdo ǎ.

Kle lɛ́ɛ tɔ́n sín azizɔ ɔ́ mɛ, bó gba kpé ayǐkúngban ɔ́ jí; è nǎ acɛ yě, bɔ é cí acɛ e hɔnkéklě lɛ́ɛ ɖó é ɖɔhun. È ɖɔ nú yě ɖɔ yě ní ma wa nǔ nyanya nú gběhan ó, yě ní ma wa nǔ nyanya nú ama e ɖo mǔ lɛ́ɛ ɖěbǔ ó; yě ní ma ka wa nǔ nyanya nú atín ɖěbǔ ó. Lo ɔ́, gbɛtɔ́ e sín nukɔn wuntun Mawu tɔn ma ɖe ǎ lɛ́ɛ kɛ́ɖɛ́ wɛ yě ná wa nǔ nyanya ná.

Énɛ́ ɔ́ gúdo ɔ́, wɛnsagun Mawu tɔn atɔ́ɔ́ngɔ́ ɔ́ kún kpɛn. Sunví ɖokpó j'ayǐ sín jǐxwé wá jɛ ayǐkúngban jí bɔ un mɔ; è sɔ́ dotɔ domaɖó-azan ɔ́ tɔn sín cávi jó nú sunví ɔ́.

È nǎ gbe kle lɛ́ɛ ɖɔ yě ní hu gbɛtɔ́ énɛ́ lɛ́ɛ ǎ; lo ɔ́, yě ní dó ya nú yě kpowun nú sun atɔ́ɔ́n. Wǔvɛ́ e è nɔ mɔ ɖo ya e kle lɛ́ɛ nɔ dó nú mɛ é mɛ ɔ́ cí hɔnkéklě mɛ mɛ ɔ́, wǔvɛ́ e è nɔ mɔ é ɖɔhun.

Axɔ́sú ɖokpó ɖo yě nu; é wɛ nyí wɛnsagun dotɔ domaɖó-azan ɔ́ tɔn; nyǐkɔ tɔn nɔ nyí “Abadɔ́ɔn” ɖo Ebléegbe mɛ, bó nɔ nyí “Apolyɔ́ni” ɖo Glɛ̌sigbe mɛ.