Popular Bible Verses from Nǔɖexlɛ́mɛ 8

Share

Ée Lɛ̌ngbɔ́ví ɔ́ gba wuntun tɛ́nwegɔ́ ɔ́ é ɔ́, jǐxwé cí tóó nú ganxixo ɖokpó sín vlɔ̌ mɔ̌

Wɛnsagun nukɔntɔn ɔ́ kún kpɛn bɔ kɛ́njí kpó myɔ kpán cáká kpó kanjɔ kpó, bó kɔn nyi ayǐkúngban jí. Ayǐkúngban ɔ́ sín atɔnvlɔ́ɖó fyɔ́; atín lɛ́ɛ sín atɔnvlɔ́ɖó fyɔ́; gběhan mú lɛ́ɛ bǐ fyɔ́.

Un lɛ́ kpɔ́n, bó mɔ gangan ɖokpó ɖo zinzɔn wɛ gbɔn jɔhɔn mɛ aga ɖéé; un se bɔ é ɖo xó sú wɛ tlílí ɖɔ: “Awo! Awo! Étɛ́ ɖíe ɖo mɛ e ɖo ayǐkúngban jí lɛ́ɛ ná gbo wɛ hwenu e wɛnsagun atɔn ɖě lɛ́ɛ ná kún kpɛn, bɔ è nǎ se ɔ́ e?”

Énɛ́ ɔ́ gúdo ɔ́, wɛnsagun wegɔ́ ɔ́ kún kpɛn, bɔ nǔ só ɖaxó ɖɔhun ɖé ɖo myɔ ji wɛ, bɔ è sɔ́ nyi xu mɛ, bɔ xu ɔ́ sín atɔnvlɔ́ɖó húzú kanjɔ.

Énɛ́ ɔ́ gúdo ɔ́, wɛnsagun atɔngɔ́ ɔ́ kún kpɛn bɔ sunví ɖaxó ɖé ɖo jiji wɛ zohwín ɖɔhun, bó jɛ ayǐ sín jǐxwé; é jɛ tɔ lɛ́ɛ kpódó tɔjɔtɛn lɛ́ɛ kpó sín atɔnvlɔ́ɖó jí. Sunví énɛ́ sín nyǐkɔ nɔ́ nyí vǐvɛ́, bɔ sin lɛ́ɛ sín atɔnvlɔ́ɖó vɛ́, bɔ mɛ e nu lɛ́ɛ gěgé kú, ɖó sin ɔ́ vɛ́ wútu.

Énɛ́ ɔ́ gúdo ɔ́, wɛnsagun ɛnɛgɔ́ ɔ́ kún kpɛn, bɔ è dǒ nǔ hwe ɔ́ sín atɔnvlɔ́ɖó, bó dó nǔ sun sín atɔnvlɔ́ɖó, bó dó nǔ sunví lɛ́ɛ sín atɔnvlɔ́ɖó, bɔ kínkɔ́n yětɔn sín atɔnvlɔ́ɖó dó ablu; kéze sín atɔnvlɔ́ɖó sɔ́ nɔ ná wěziza ǎ; zǎn lɔ sín atɔnvlɔ́ɖó sɔ́ nɔ ná wěziza ǎ.