Popular Bible Verses from Nǔɖexlɛ́mɛ 21

Share

È nǎ súnsún ɖasin bǐ sín nukún yětɔn mɛ; kú sɔ́ ná tíin ǎ, aluwɛ sɔ́ ná tíin ǎ, alěníná sɔ́ ná tíin ǎ, wǔvɛ́ mimɔ sɔ́ ná tíin ǎ; nǔ xóxó lɛ́ɛ ko bú.”

Hwenɛ́nu ɔ́, mɛ e ɖo ayǐjínjɔ́n ɖo axɔ́súzinkpo ɔ́ jí ɔ́ ɖɔ: “Din ɔ́, un ɖo nǔ lɛ́ɛ bǐ sɔ́ dó húzú nǔ yɔ̌yɔ́ wɛ.” É lɛ́ ɖɔ nú mì ɖɔ: “Wlǎn, ɖó xó nǔgbó wɛ nyí xó énɛ́ lɛ́ɛ, bó nyí xó e wú è nǎ ɖeji dó lɛ́ɛ.”

Un se gbe ɖaxó ɖé gosín axɔ́súzinkpo ɔ́ kɔn, bó ɖo ɖiɖɔ wɛ ɖɔ: “Din ɔ́, nɔtɛn Mawu tɔn ɖo gbɛtɔ́ lɛ́ɛ tɛ́ntin! É ná nɔ xá yě, bɔ yě ná nyí togun tɔn. Mawu ɖésúnɔ ná nɔ kpɔ́ xá yě, bó ná nyí Mawu yětɔn.

É lɛ́ ɖɔ: “É sɔgbe lo! Un nyí Alufa, bó nyí Omɛga; un nyí bǐbɛ́, bó nyí vivɔ. Un ná ná sin mɛ e sinnugblá sin é, bɔ é ná nu vɔ̌nu ɖo fí e sin e nɔ ná gbɛ mɛ ɔ́ nɔ tɔ́n sín é.

Mɛɖěbǔ ɖu ɖ'é jí ɔ́, un ná ná ɛ nǔníná énɛ́; un ná nyí Mawu tɔn, bɔ é ná nyí vǐ ce.

Amɔ̌ nǔvɔ́nɔ lɛ́ɛ ɔ́, nǔmaɖitɔ́ lɛ́ɛ ɔ́, suɖutɔ́ lɛ́ɛ ɔ́, mɛhutɔ́ lɛ́ɛ ɔ́, agalɛtɔ́ lɛ́ɛ ɔ́, majíkiblótɔ́ lɛ́ɛ ɔ́, vodúnsɛntɔ́ lɛ́ɛ kpódó adingbannɔ lɛ́ɛ bǐ kpán ɔ́, tɛn yětɔn ná nɔ myɔ togotogo e mɛ hwemí ɖo jiji ɖe wɛ é mɛ; é wɛ nyí kú wegɔ́ ɔ́.”

Énɛ́ ɔ́ gúdo ɔ́, un mɔ jǐnukúnsin yɔ̌yɔ́ ɔ́ kpó ayǐkúngban yɔ̌yɔ́ ɔ́ kpó. Jǐnukúnsin nukɔntɔn ɔ́ kpó ayǐkúngban nukɔntɔn ɔ́ kpó bú, bɔ xu sɔ́ tíin ǎ.

Un mɔ toxo mímɛ́ e nyí Jeluzalɛ́mu yɔ̌yɔ́ ɔ́ é; Mawu sɛ́ ɛ dó, bɔ é ɖo te jɛ wɛ sín jǐnukúnsin. É ɖo gbesisɔ mɛ yawó yɔ̌yɔ́ e ba acɔ́, bó ná yi asúxwé ɔ́ ɖɔhun.

Toxo ɔ́ byɔ́ ɖɔ hwe ní ná émí wěziza ǎ; é ka byɔ́ ɖɔ sun ní ná émí wěziza ǎ, ɖó susu Mawu tɔn nɔ ná ɛ wěziza, bɔ Lɛ̌ngbɔ́ví ɔ́ nyí zogbɛ́n tɔn. Togun e ɖo gbɛ ɔ́ mɛ lɛ́ɛ ná ɖi zɔnlin gbɔn wěziza tɔn nú, bɔ axɔ́sú ayǐkúngban jí tɔn lɛ́ɛ ná hɛn dɔkun yětɔn lɛ́ɛ wá toxo ɔ́ mɛ.