Popular Bible Verses from Nǔɖexlɛ́mɛ 20

Share

Mɛ ɖěbǔ e sín nyǐkɔ è ma ko wlán dó gbɛwéma ɔ́ mɛ ɖ'ayǐ ǎ ɔ́, è sɔ́ ɛ nyi myɔ togotogo ɔ́ mɛ.

Un mɔ mɛkúkú lɛ́ɛ, mɛxó kpó yɔkpɔ́vú kpó ɖo te ɖo axɔ́súzinkpo ɔ́ nukɔn, bó lɛ́ hun wěma ɖé lɛ́ɛ. È lɛ̌ hun wěma ɖěvo; wěma e mɛ è wlǎn mɛ e ɖo gbɛ lɛ́ɛ sín nyǐkɔ dó ɔ́ wɛ. Mɛkúkú lɛ́ɛ ɔ́, è ɖɔ hwɛ xá yě bɔ é sɔgbe xá nǔ e yě wa bɔ è wlǎn dó wěma lɛ́ɛ mɛ é.

Mɛkúkú e ɖo xu mɛ lɛ́ɛ ɔ́, xu jó yě. Kú kpó kútomɛ kpó lɔmɔ̌ jó mɛkúkú e yě hɛn lɛ́ɛ, bɔ è ɖɔ hwɛ xá mɛkúkú énɛ́ lɛ́ɛ bǐ bɔ é sɔgbe xá nǔ e yě wa é. È bɛ̌ kú kpó kútomɛ kpó nyi myɔ togotogo ɔ́ mɛ; kú wegɔ́ ɔ́ nɛ́.

Énɛ́ ɔ́ gúdo ɔ́, un mɔ axɔ́súzinkpo ɖaxó wěwé ɖé kpó mɛ e ɖo ayǐjínjɔ́n ɖ'é jí ɔ́ kpó. Ayǐkúngban kpó jǐnukúnsin kpó hɔn sín nukɔn tɔn, bɔ é sɔ́ mɔ yě ǎ.

Hwenu e xwe afatɔ́n (1.000) lɛ́ɛ ná wá yi ɔ́, è nǎ ɖe Satáan sín gankpá mɛ, bɔ é ná yi flú to e gba kpé wɛ̌kɛ́zo ɛnɛ lɛ́ɛ mɛ é; to lɛ́ɛ wɛ nyí Gɔgu kpó Magɔ́gi kpó . É ná kplé yě, bɔ yě ná fun ahwan, bó ná sukpɔ́ nyɛ̌kɛ́n e ɖo xutó é ɖɔhun.