Popular Bible Verses from Jaki 2

Share

Lě e é ɖe gbɔn nú nǔɖiɖi ɔ́ nɛ́: ényí é ma nɔ ɖe éɖée xlɛ́ gbɔn nǔwiwa lɛ́ɛ mɛ ǎ ɔ́, nǔɖiɖi kúkú wɛ é nyí ɖo éɖée mɛ.

Nǔgbó ɔ́, lě e agbaza e mɛ lǐndɔ̌n ma ɖe ǎ ɔ́ nyí nǔkúkú gbɔn ɔ́, mɔ̌ ɖokpó ɔ́ wɛ nǔɖiɖi e ma nɔ ɖe éɖée xlɛ́ gbɔn nǔwiwa lɛ́ɛ mɛ ǎ ɔ́ nyí nǔkúkú gbɔn.

Nɔví ce lɛ́ɛ mi, ényí mɛɖé ɖɔ: “Un ɖó nǔɖiɖi” bó ma nɔ ɖe xlɛ́ ɖo nǔwiwa tɔn lɛ́ɛ mɛ ǎ ɔ́, aniwanú wɛ nǔɖiɖi énɛ́ ká nyí? Nǔɖiɖi énɛ́ sixú hwlɛ́n ɛ gán a?

A ɖi nǔ ɖɔ Mawu ɖokpó géé wɛ ɖe; é nyɔ́ ganjí! Yɛ nyanya lɛ́ɛ lɔ ɖi nǔ ɖɔ Mawu ɖokpó géé wɛ ɖe, bɔ xɛsi nɔ ɖi yě, bɔ yě nɔ sísɔ́.

Amɔ̌, nú mɛɖé ɖɔ: “A ɖǒ nǔɖiɖi, bɔ nyɛ ɖó nǔwiwa lɛ́ɛ” ɔ́, nyɛ ná ɖɔ n'i ɖɔ: “Xlɛ́ lě e nǔɖiɖi towe sixú tíin nǔwiwa lɛ́ɛ mɛ vo gbɔn é mi; énɛ́ ɔ́, nyɛ ná xlɛ́ nǔɖiɖi ce we gbɔn nǔwiwa ce lɛ́ɛ mɛ.”

Đó mɛ e ma kú nǔbláwǔ nú mɛ ɖě lɛ́ɛ ǎ ɔ́, Mawu ná kú nǔbláwǔ n'i hwenu e è nǎ ɖɔ hwɛ xá ɛ ɔ́ ǎ; lo ɔ́, nǔbláwǔkúnúmɛ ná ɖu ɖo hwɛɖiɖɔ jí.

Mi mɔ din ɖɔ Mawu nɔ sɔ́ gbɛtɔ́ dó mɔ hwɛjijɔnɔ ná ɖó nǔwiwa tɔn lɛ́ɛ wú; é nyí nǔɖiɖi e é ɖó ɔ́ kɛ́ɖɛ́ wú wɛ ǎ.

A mɔ a? Nǔɖiɖi tɔn kpó nǔwiwa tɔn lɛ́ɛ kpó wa azɔ̌ ɖó kpɔ́, bɔ nǔɖiɖi tɔn húzú nǔɖiɖi titewungbe, ɖó nǔɖiɖi tɔn kpó nǔwiwa tɔn lɛ́ɛ kpó nɔ wa azɔ̌ ɖó kpɔ́.