Popular Bible Verses from Jaki 1

Share

Nɔví ce lɛ́ɛ mi, hwenu e è nǎ ɖo mi dó kpɔ́n wɛ gbɔn alɔkpa lɛ́ɛ bǐ mɛ ɔ́, ní nyí awǎjijɛnú nú mi; ɖó mi tunwun ɖɔ ényí nǔɖiɖi mitɔn lí dǒ ɖo mɛ dó kpɔ́n lɛ́ɛ mɛ ɔ́, é nɔ zɔ́n bɔ è nɔ ɖó suúlu.

É ka ɖo mɔ̌ có, ényí nǔnywɛ́ hwedó mɛɖé ɖo mi mɛ hǔn, ní byɔ́ Mawu nú é ná ná ɛ; ɖó Mawu nɔ hun alɔ dó ná nǔ mɛ bǐ kpó xomɛhunhun kpó.

Nɔví vívɛ́ná lɛ́ɛ mi, mi flín xó élɔ́ ganjí: mɛ ɖokpó ɖokpó ɖó ná nɔ ɖo gbesisɔ mɛ, bó ná nɔ se Mawuxó ɔ́; amɔ̌ ní ma nɔ zɔn xó jí ó; ní ma ka nɔ yá wǔ sin xomɛ ó

Amɔ̌, mi nɔ acéjí bónú suúlu e mi ɖó ɔ́ ní wa azɔ̌ kpíkpé, bónú mi ná zin, bó ná jɛ ayǐ ɖo nǔ ɖěbǔ mɛ ǎ.

Mi ma ɖo miɖée blɛ́ wɛ, bó ɖo Mawuxó ɔ́ ɖótó wɛ kpowun ó; azɔ̌ wɛ mi ná nɔ zé dó wa ná titewungbe.

Nǔ nyɔ́ nú mɛ e nɔ syɛ́nlǐn ɖo mɛdókpɔ́n hwenu é; ɖó nú é ɖe lǐnsyɛ́nsyɛ́n tɔn xlɛ́ gúdo ɔ́, é ná mɔ gbɛ jɔ gbɛ yí; gbɛ jɔ gbɛ énɛ́ wɛ nyí ajɔ e sín akpá Mawu dó nú mɛ e yí wǎn n'i lɛ́ɛ é.

Nǔníná ɖagbe ɖagbe bǐ, kpó nǔnámɛ e nǔ vɔ ɖ'é wú ɔ́ bǐ kpó ɔ́, sɛ́xwé wɛ yě nɔ gosín; yě nɔ jɛ te sín Mawu e bló nǔ e ɖo jǐxwé bó nɔ ná wěziza lɛ́ɛ é gɔ́n; Mawu nɔ húzú ǎ; é ɖo ɖěbǔ ɔ́, é nɔ dó zǐnflú ǎ.

Đó mɛ e nɔ se Mawuxó ɔ́, bó ma nɔ zé dó wa azɔ̌ ná ǎ ɔ́ cí mɛ e ɖo nǔkpɛ́n mɛ kpɔ́n wɛ, bó mɔ lě e é ɖésúnɔ ɖe gbɔn é ɖɔhun. Ée é kpɔ́n éɖée gúdo ɔ́, é ɖidó, bó wɔn lě e é ɖe gbɔn ɔ́ tlóló.

Sinsɛn e nyí sinsɛn mímɛ́, sinsɛn nǔgbó nǔgbó ɖo Mawu Tɔ́ ɔ́ nukɔn ɔ́ ɖíe: è nǐ kpé nukún dó tɔ́cyɔvǐ nɔcyɔvǐ lɛ́ɛ kpó asúkúsi lɛ́ɛ kpó wú ɖo wǔvɛ́ yětɔn lɛ́ɛ mɛ; è nǐ cɔ́ mɛɖée dó nǔ e wa wɛ mɛ e nyí gbɛ ɔ́ tɔn lɛ́ɛ ɖe lɛ́ɛ wú, bó ma hɛn mɛɖée blí ó.

Hwenu e mɛɖé ná jɛ tɛ́nkpɔ́n mɛ ɔ́, ní ma ɖɔ Mawu wɛ ɖo émí tɛ́nkpɔ́n wɛ ó. Đó nǔ nyanya sixú tɛ́n Mawu kpɔ́n ǎ; Mawu ɖésú ka nɔ tɛ́n mɛ ɖěbǔ kpɔ́n ǎ. Lo ɔ́, è nɔ jɛ tɛ́nkpɔ́n mɛ hwenu e jlǒ nyanya mɛ ɖésúnɔ tɔn dɔn mɛ, bɔ è jɛ mɔ mɛ é.

Nɔví e nyí wamamɔnɔ ɔ́ ní tɛ afɔ ayǐ, ɖó Mawu ɖo sísɔ́ ɛ su wɛ