Popular Bible Verses from Eblée 10

Share

Mǐ ma jó agun e mɛ mǐ nɔ yi é dó, mɛ e ko nɔ bló mɔ̌, bɔ é ko má yě lɛ́ɛ ɖɔhun ó. Lo ɔ́, mǐ ní nɔ ná kanmɛsyɛ́n mǐɖée, ɖó Aklúnɔ sín azǎn ɔ́ ko ɖo sisɛkpɔ́ wɛ lě e mɔ gbɔn wɛ mi ɖe din é.

Mi nú mǐ ná kpé nukún dó mǐɖée wú, bó ná flɔ́ wǎn yíyí sín zo dó lanmɛ nú mǐɖée, bó ná ɖó wǎn yíyí, bó ná nɔ flɔ́ ɖagbewiwa sín zo dó lanmɛ nú mǐɖée, bó ná wa ɖagbe.

Mi nú mǐ ná hɛn nukúnɖíɖó e sín xó jlá wɛ mǐ ɖe ɔ́ syɛ́nsyɛ́n, ɖó Mawu e dó akpá nú mǐ ɔ́ ɖo gbejí.

Nǔ e hu dó mi ɔ́ wɛ nyí ɖɔ mi ná dɛ, bó ná wa jlǒ Mawu tɔn, bó ná mɔ akpá e é dó ɔ́ yí.

Hǔn, mi nú mǐ ná sɛkpɔ́ Mawu kpódó ayijlɔ́jlɔ́ kpó, kpódó gǎnjɛwú kpíkpé e nǔɖiɖi nɔ ná mɛ ɔ́ kpó, kpódó ayi e è slá wǔ ná bɔ nǔ nyanya ɖěbǔ ma ɖ'é mɛ ǎ é kpó, kpódó agbaza e è zě sin mímɛ́ dó lɛ ná é kpó.

Hǔn mi bo ma jó jiɖiɖe e mi ɖó dó Mawu wú ɔ́ dó ó; ɖó ajɔ ɖaxó ɖé ɖ'é mɛ.

Đó ée mǐ mɔ nukúnnú jɛ nǔ e nyí nǔgbó ɔ́ wú ɔ́, nú mǐ lɛ́ jló bó kpo ɖo hwɛ hu wɛ hǔn, vɔ̌sísá ɖěbǔ sɔ́ tíin bó ná ɖe hwɛ sín kɔ nú mǐ ǎ. É sɔ́ kpo nǔɖé nú mǐ hú mǐ ná ɖo adohu adohu jí, bó ná ɖo te kpɔ́n nǔ e ɖo nǎ jɛ wɛ ɔ́ ǎ. Nǔ énɛ́ wɛ nyí hwɛɖiɖɔ Mawu tɔn kpódó myɔ hɛhɛ e ná sú kún dó nú Mawu sín kɛntɔ́ lɛ́ɛ é kpó.