Popular Bible Verses from Galatinu 6

Share

Hǔn awakanmɛ ní má kú mǐ dó nǔ ɖagbe wiwa wú ó. Đó nú awakanmɛ ma kú mǐ ǎ, bónú hwe tɔn nu wá su ɔ́, mǐ ná mɔ ajɔ tɔn yí.

Ényí mɔ̌ hǔn nɔví lɛ́ɛ mi, ényí mǐ mɔ ɖagbewiwa sín ali hweɖěbǔnu hǔn, mǐ ní nɔ wa nú mɛ bǐ, ɖo tají ɔ́, nú nɔví ɖo nǔɖiɖi mɛ lɛ́ɛ.

Mi hɛn agban mitɔn lɛ́ɛ xá miɖée; ényí mi bló mɔ̌ hǔn, Klísu sín sɛ́n ɔ́ nyi wɛ mi ɖe nɛ́.

Mi ma blɛ́ miɖée ó, mɛɖé nɔ wa yɛ nú Mawu ǎ. Nǔ e è dǒ ɔ́ wɛ è nɔ ya.

Mɛ ɖé wa jlǒ nyanya gbɛtɔ́ tɔn ɔ́, jlǒ nyanya gbɛtɔ́ tɔn ná dɔn kú wá n'i; mɛɖé ka wa jlǒ Yɛsinsɛn tɔn ɔ́, Yɛsinsɛn ná ná ɛ gbɛ mavɔ mavɔ.

Nɔví lɛ́ɛ mi! Mi mɛ e ko ɖó nukɔn yiyi ɖo nǔɖiɖi mɛ lɛ́ɛ ɔ́, ényí mɛɖé ɖo nǔ ɖěbǔ wa nyi do wɛ, bónú è gbo e dó hǔn, mi ɖe e ɖó ali jí; mi ka bló kpódó xomɛfífá kpó. Un ka lɛ́ ɖo ɖiɖɔ nú mi wɛ ɖɔ mi cɔ́ miɖée, bónú mi ɖésúnɔ má wá jɛ tɛ́nkpɔ́n mɛ ó.

Mɛ e nɔ mɔ éɖée dó mɔ nǔgɛ́n, bó má ka nyí nǔɖé ǎ ɔ́, éɖée blɛ́ wɛ é ɖe, ɖó é nyí nǔtí ǎ. Mɛ ɖokpó ɖokpó ní byɔ́ éɖée mɛ, bó kpɔ́n nǔ e wa wɛ é ɖe lɛ́ɛ; ényí nǔ e wa wɛ é ɖe lɛ́ɛ sixú nyí xomɛhunhun nú n'i ɔ́, é ní hun xomɛ ɖo éɖée mɛ; é má jlɛ́ éɖée dó mɛ ɖě lɛ́ɛ wú ó. Đó mɛ ɖokpó ɖokpó ɖó ná wa azɔ̌ e nyí étɔn é.