Popular Bible Verses from Galatinu 5

Share

Lo ɔ́, nǔ e Yɛsinsɛn nɔ ná mɛ ɔ́ wɛ nyí wǎn yíyí, xomɛhunhun, vivo mimɔ, suúluɖíɖó, xomɛnyínyɔ́, ɖagbewiwa, gbejíninɔ, fífá, mɛɖéejíɖuɖe ; nǔgbó ɔ́, sɛ́n ɔ́ gbɛ́ nǔ énɛ́ lɛ́ɛ ǎ.

Un ɖo ɖiɖɔ nú mi wɛ ɖɔ mi ní jó miɖée dó nú Yɛsinsɛn ní xlɛ́ ali mi; mi ma wa nǔ e jló mi lɛ́ɛ ó.

Ée ényí ɖɔ Yɛsinsɛn wɛ ná gbɛ jɔ gbɛ mǐ ɔ́, mǐ ní bó jó mǐɖée dó n'i, bónú é ná xlɛ́ ali mǐ.

Mɛ e nyí Klísu Jezu tɔn lɛ́ɛ ko ká hwɛhuhu sín ninɔmɛ e yě ɖó ɔ́, kpódó jlǒ tɔn lɛ́ɛ bǐ kpó nyi aklúzu jí.

Nǔ nyanya e gbɛtɔ́ nɔ wa lɛ́ɛ ɖo nǔglɔ́ ǎ; yě wɛ nyí: agalilɛ, nǔ kwíji kwíji wiwa, nǔ nyanya wiwa, vodúnsinsɛn, majíkiblóbló, wǎngbɛ́númɛ, jlɛɖiɖɔ, wǔhwinhwan, majijɛ, zalixámɛ, nǔmɛkínkɛ́n, gbemanɔkpɔ́, mɛnújlójló, ahannumú, nǔɖudíngan kpódó nǔ hǔnmɛ énɛ́ lɛ́ɛ kpán. Un ɖo ɖiɖɔ nú mi wɛ din lě e un ko ɖɔ gbɔn nú mi ɖ'ayǐ ɔ́, ɖɔ mɛ e nɔ wa nǔ mɔ̌hunkɔtɔn lɛ́ɛ kún ɖo axɔ́súɖuɖu Mawu tɔn mɛ ná byɔ́ wɛ ó.

Nɔví lɛ́ɛ mi, midɛɛ lɛ́ɛ ɔ́, mi ná nɔ mi ɖésúnɔ sí wú wɛ Mawu ylɔ́ mi; amɔ̌ mi ma kpɔ́n ɖɔ émí ko ɖo émí ɖésúnɔ sí, bó wa nǔ e jló mi ɔ́ ó. Lo ɔ́, mi xwedó wǎn yíyí Mawu tɔn, bó húzú mɛsɛntɔ́ nú miɖée.

Đó jlǒ nyanya gbɛtɔ́ tɔn lɛ́ɛ nɔ sí te dó jlǒ Yɛsinsɛn tɔn lɛ́ɛ jí. Mɔ̌ ɖokpó ɔ́, jlǒ Yɛsinsɛn tɔn lɛ́ɛ lɔ nɔ sí te dó jlǒ nyanya gbɛtɔ́ tɔn lɛ́ɛ jí; yě gbɔn vo sésé nú yěɖée, bónú mi ma wa nǔ e jló mi lɛ́ɛ ó.

Đó ényí è sɛ sin xwe nú sɛ́n lɛ́ɛ bǐ ɔ́, nǔ e ɖɔ wɛ yě ɖe ɔ́ ɖíe: “Yǐ wǎn nú nɔzo towe hwi ɖésú ɖɔhun.”

Mǐ ní má nyí goyítɔ́ ó; mǐ ní má nɔ dó xomɛsin xomɛ nú mǐɖée ó; mǐɖée nú ní má nɔ su mǐɖée nukún mɛ ó.

Klísu ɖe mǐ sín sɛ́n ɔ́ kannu, bónú mǐ ná jɛ mǐ ɖésúnɔ sí. Mi bo syɛ́nlǐn, bó má lɛ́ wá húzú kannumɔ ó.