Đo tají ɔ́, è ka ná flín ɖɔ é kún nyí nǔjlɔ́jlɔ́watɔ́ lɛ́ɛ wú wɛ è dǒ sɛ́n ɔ́ ó; lo ɔ́, mɛ e wú è dǒ sɛ́n ɔ́ lɛ́ɛ wɛ nyí nǔnyanyawatɔ́ lɛ́ɛ, tónúmasetɔ́ lɛ́ɛ, mɛ e ma nɔ sí Mawu ǎ lɛ́ɛ, hwɛhutɔ́ lɛ́ɛ, mɛ e ma nyí mɛ mímɛ́ ǎ lɛ́ɛ, mɛ e ma ɖi nǔ nú Mawu ǎ lɛ́ɛ, mɛ e nɔ hu tɔ́ yětɔn abǐ nɔ yětɔn lɛ́ɛ é, mɛhutɔ́ lɛ́ɛ. Nǔblíblíwatɔ́ lɛ́ɛ, súnnu e nɔ ɖó xó xá súnnu gbɛ̌ yětɔn lɛ́ɛ é, nyɔ̌nu e nɔ ɖó xó xá nyɔ̌nu gbɛ̌ yětɔn lɛ́ɛ é, kannumɔjɔ́watɔ́ lɛ́ɛ, adingbannɔ lɛ́ɛ, mɛ e nɔ xwlé nǔ dó nǔvú jí lɛ́ɛ, kpódó mɛ e nɔ wa nǔ e ma sɔgbe xá nǔkplɔ́nmɛ titewungbe ɔ́ ǎ lɛ́ɛ bǐ kpó.