Popular Bible Verses from 1 Tɛsalonikinu 5

Share

Mi nɔ jɛ awǎ hwebǐnu. Mi nɔ xo ɖɛ hwebǐnu. Mi nɔ dó kú nú Mawu ɖo nǔ bǐ mɛ; ɖó nǔ e ba ɖo gbɛzínzán mitɔn mɛ wɛ Mawu ɖe, ɖo bǔ e mi ɖe ɖo Klísu Jezu mɛ é nɛ́.

Mawu e nɔ ná fífá mɛ ɔ́ ní bló bónú mi ní nyí étɔn bǐ dégbédégbé, ní cɔ́ mi ɖésúnɔ ɔ́ bǐ, ní cɔ́ yɛ mitɔn, bó cɔ́ lǐndɔ̌n mitɔn kpódó agbaza mitɔn kpó, bónú blɔ̌ ɖé ma nɔ mi wú ó, nú gbe e gbe Aklúnɔ mǐtɔn Jezu Klísu ná wá é. Đó mɛ e ylɔ́ mi ɔ́ ɖo gbejí; é wɛ ná wa azɔ̌ énɛ́ ɖo gbɛ mitɔn mɛ.

Mi cɔ́ miɖée, bónú è wa nǔ nyanya nú mɛɖé hǔn, ní ma sɔ́ nyanya dó sú axɔ́ ná ó; lo ɔ́, mi dó gǎn bó nɔ wa ɖagbe nú miɖée hwebǐnu, bó nɔ wa nú gbɛtɔ́ lɛ́ɛ bǐ.

Hǔn, mi ná akɔ́nkpinkpan miɖée, bó dó wǔsyɛ́n lanmɛ nú miɖée, lě e bló gbɔn wɛ mi ko ɖe é.

Nɔví lɛ́ɛ mi, mǐ lɛ́ ɖo byɔ̌byɔ́ mi wɛ ɖɔ mi nɔ gbɛ́ nǔ nú fɔnlínnɔ lɛ́ɛ; mi nɔ ná akɔ́nkpinkpan mɛ e ma nɔ gba wǔ dó mɛ mɛ ǎ lɛ́ɛ; mi ní nɔ gɔ́ alɔ nú mɛ e ma ɖó gǎn ǎ lɛ́ɛ; mi nɔ ɖó suúlu dó mɛ bǐ wú.

Nǔgbó ɔ́, tito Mawu tɔn wɛ nyí ɖɔ é ná zé xomɛsin tɔn dó wa nǔ xá mǐ ǎ; lo ɔ́, tito tɔn wɛ nyí ɖɔ é ná hwlɛ́n mǐ gán, gbɔn Aklúnɔ mǐtɔn Jezu Klísu jí.

Nǔgbó ɔ́, wěziza tɔn wɛ mi bǐ nyí, bó nyí kéze tɔn; mi nyí zǎn tɔn ǎ; mi ka nyí ablu tɔn ǎ.