Popular Bible Verses from 1 Tɛsalonikinu 4

Share

Énɛ́ ɔ́ gúdo ɔ́, mǐ mɛ e ná kpo ɖo gbɛ hwenɛ́nu lɛ́ɛ ɔ́, Mawu ná zé mǐ kpó yě kpó zɛ̌ɛ́n yi jǐ, ɖo akpɔ́kpɔ́ mɛ, bɔ mǐ ná yi kpé Aklúnɔ ɔ́ ɖo jɔhɔn mɛ; bɔ énɛ́ ɔ́, mǐ ná nɔ kpɔ́ xá Aklúnɔ ɔ́ hwebǐnu.

Hwe ɔ́ nu su ɔ́, Aklúnɔ ɖésúnɔ ná jɛ te sín jǐxwé, bɔ è nǎ se mɛɖé ná ɖe gbe kpó xósúsú kpó, bó ná se wɛnsagun Mawu tɔn ɖaxó ɖokpó sín gbe; bó ná se ɖuɖéjí sín kpɛn Mawu tɔn sín gbe; bɔ mɛ e ɖi nǔ nú Klísu cóbó kú lɛ́ɛ ná fɔ́n jɛ nukɔn.

Nǔ e Mawu jló nú mi ɔ́ wɛ nyí ɖɔ mi ní nyí mɛ mímɛ́, bó ma nɔ lɛ aga ó. Mɛ ɖokpó ɖokpó ní tunwun lě e é ná hɛn agbaza tɔn ɖó mǐmɛ́ kpódó yɛ̌yi kpán jí gbɔn é

Đó mǐ ɖi nǔ ɖɔ Jezu kú bó lɛ́ fɔ́n; mɔ̌ ɖokpó ɔ́, mǐ lɛ́ ɖi nǔ ɖɔ Mawu ná fɔ́n mɛ e ɖi nǔ nú Jezu cóbó kú lɛ́ɛ kpó é kpó.

Mi dó gǎn, bónú fífá ní nɔ́ nɔ tɛ́ntin mitɔn; mi dó gǎn bó nɔ́ kpé nukún dó nǔ mi ɖésúnɔ tɔn lɛ́ɛ wú; mi dó gǎn bó nɔ́ wa azɔ̌ kpó alɔ mi ɖésúnɔ tɔn kpó lě e mǐ kó ɖɔ nú mi gbɔn é.

Đó Mawu ylɔ́ mǐ, bónú mǐ ná wa nǔ blíblí ǎ; lo ɔ́, é ylɔ́ mǐ nú mǐ ná zán gbɛ mímɛ́.