Popular Bible Verses from 1 Jǎan 3

Share

Vǐ ce lɛ́ɛ mi, mi ma nú mǐ ní nɔ́ yí wǎn nú mɛ ɖo nu kpó xó víví kpó kpowun ó; lo ɔ́, wǎn yíyí titewungbe e nɔ ɖe éɖée xlɛ́ gbɔn nǔwiwa lɛ́ɛ mɛ ɔ́ wɛ mǐ ɖó ná ɖó.

Lě e mǐ tunwun nǔ e wǎn yíyí nyí ɔ́ gbɔn ɔ́ ɖíe: Klísu sɔ́ gbɛ tɔn jó dó ta mǐtɔn mɛ; hǔn mǐ lɔmɔ̌ ɖó ná sɔ́ gbɛ mǐtɔn jó dó nɔví mǐtɔn lɛ́ɛ tamɛ.

Mi Kpɔ́n lě e Tɔ́ ɔ́ yí wǎn nú mǐ sɔ é. É yí wǎn nú mǐ káká bo ɖɔ è ní ylɔ́ mǐ ɖɔ Mawu ví; vǐ tɔn wɛ mǐ ka nyí nǔgbó. Ée gbɛ ɔ́ ma tunwun Mawu ɔ́ ǎ wútu wɛ é ma tunwun mǐ ǎ.

Mɛ e nɔ ɖo hwɛ hu wɛ ɔ́, awǒvi tɔn wɛ é nyí, ɖó awǒvi ɔ́ ko ɖo hwɛ hu wɛ sín do, bɔ Mawu ví ɔ́ ka wá, bó ná sú awǒvi sín nǔwiwa lɛ́ɛ sín kún dó.

Mɛ ɖěbǔ nyí Mawu ví ɔ́, mɛ ɔ́ sɔ́ nɔ hu hwɛ ǎ, ɖó gbɛ Mawu tɔn ɖo mɛ énɛ́ mɛ. Đó ée Mawu nyí Tɔ́ tɔn ɔ́, é sixú kpo ɖo hwɛ hu wɛ ǎ.

Ényí mɛɖé jɛ dɔkun, bó mɔ ɖɔ nǔɖé hudó nɔví émítɔn, bó ka ɖo nukún syɛ́n dó e wɛ ɔ́, nɛ̌ wǎn yíyí Mawu tɔn ka sixú nɔ mɛ énɛ́ sín ayi mɛ gbɔn?

Mɛ e nɔ nyi Mawusɛ́n lɛ́ɛ ɔ́, mɛ ɔ́ ɖo Mawu mɛ, bɔ Mawu ɖo éyɛ́ mɛ. Mǐ tunwun ɖɔ Mawu ɖo mǐ mɛ gbɔn Yɛsinsɛn e é ná mǐ é jí.

Mɛ e nyí Mawu ví lɛ́ɛ kpó mɛ e nyí awǒvi ví lɛ́ɛ kpó ɔ́, nǔ e nɔ zɔ́n bɔ è nɔ tunwun ɖě ɖo ɖě mɛ céɖécéɖé ɔ́ ɖíe: mɛ e ma nɔ wa nǔ jlɔ́jlɔ́ ǎ é ɖěbǔ nyí Mawu ví ǎ; mɛ e ma yí wǎn nú nɔví tɔn ǎ é ɖěbǔ nyí Mawu ví ǎ.

Nǔgbó ɔ́, xó e mi se sín hwenu e mi ɖi nǔ nú Klísu ɔ́ wɛ nyí mǐ ɖó ná yí wǎn nú mǐɖée.

Énɛ́ wú ɔ́ nɔví lɛ́ɛ mi, ényí mɛ e nyí gbɛ élɔ́ tɔn lɛ́ɛ gbɛ́ wǎn nú mi hǔn, ní ma kpácá mi ó.