Popular Bible Verses from 1 Kɔlɛ́ntinu 9

Share

Agbazamɛgándótɔ́ lɛ́ɛ bǐ ɔ́, nú yě ɖo agbazamɛgándídó ɔ́ kplɔ́n wɛ ɔ́, yě nɔ dó sɛ́n syɛ́nsyɛ́n ɖé lɛ́ɛ nú yěɖée; yě nɔ bló mɔ̌ bó ná dó mɔ ɖuɖéjígbákún e ma nɔ dɔ́ ji ǎ ɔ́ ɖokpó yí; amɔ̌ mǐdɛɛ lɛ́ɛ ɔ́, mǐ nɔ́ bló mɔ̌, bó ná mɔ ɖuɖéjígbákún e ná nɔ ayǐ káká sɔ́yi ɔ́ ɖokpó yí. Énɛ́ ɔ́ wú wɛ hwenu e un ɖo wezun kán wɛ ɔ́, nukún ce ɖo fí e un xwe ɔ́ wú; énɛ́ ɔ́ wútu wɛ un cí akpotokwínnyitɔ́ e ma ɖo akpotokwín nyi dó jɔhɔn mɛ wɛ ǎ é ɖɔhun.

Un nɔ dó ya nú agbaza ce ɖésú, lobo nɔ hɛn ɛ syɛ́nsyɛ́n, bónú hwenu e un ná ɖɔ Mawuxó ɔ́ nú mɛɖěvo lɛ́ɛ gúdo ɔ́, Mawu ma wá gbɛ́ mì ó.

Dandan mɛ ɔ́, mi tunwun ɖɔ mɛ e ɖo agbahwlɛ́nhwlɛ́n wezun kán wɛ lɛ́ɛ ɔ́, yě bǐ wɛ ɖo wezun jí; lo ɔ́, mɛ ɖokpó géé jɛ́n nɔ ɖu ɖ'é jí. Hǔn mi bo kán wezun lě e mi ná kán gbɔn bó ná ɖu ɖ'é jí é.

Đo mɛ e ma ɖó gǎn ɖo nǔɖiɖi mɛ ǎ lɛ́ɛ tɛ́ntin ɔ́, un nɔ zán gbɛ mɛ e ma ɖó gǎn ɖo nǔɖiɖi mɛ ǎ ɖɔhun, bó na dó sixú dɔn yě. Énɛ́ ɔ́, un sɔ́ nyɛɖée dó bló nǔ bǐ nú mɛ bǐ, bó ná dó sixú hwlɛ́n mɛɖé lɛ́ɛ gán gbɔn alɔkpa lɛ́ɛ bǐ mɛ.