Popular Bible Verses from 1 Kɔlɛ́ntinu 10

Share

Mi mɔ tɛ́nkpɔ́n ɖěbǔ zɛ ée gbɛtɔ́ nɔ mɔ é wú ǎ. Mawu nɔ́ gɔn akpá e é dó lɛ́ɛ ɖe ǎ; é ná lɔn bɔ tɛ́nkpɔ́n ɖé ná wá nú mi bó hú gǎn hlɔ̌nhlɔ́n e mi ɖó é ǎ; amɔ̌ hwenu e tɛ́nkpɔ́n ná wá nú mi ɔ́, é ná ná hlɔ̌nhlɔ́n mi bɔ mi ná dɛ ɖ'é nu; énɛ́ ɔ́, é ná ɖe ali nú mi bɔ mi ná tɔ́n sín mɛ.

Nǔ ɖu wɛ mi ɖe oo, ahan nu wɛ mi ɖe oo, abǐ nǔ ɖěbǔ wa wɛ mi ɖe hǔn, mi bló bǐ, bó dó sɔ́ Mawu su.

Énɛ́ ɔ́ wú ɔ́, mɛ e lin ɖɔ émí ɖo te ɔ́ ɖó ná cɔ́ éɖée, bó ma wá jɛ ayǐ ó.

Mɛ ɖé lɛ́ɛ nɔ ɖɔ: “È nǎ nǔ bǐ sín gbe.” Nǔgbó wɛ! É ka ɖo mɔ̌ có, nǔ lɛ́ɛ bǐ wɛ ka nyɔ́ ǎ. “È nǎ nǔ lɛ́ɛ bǐ sín gbe”; é ɖo mɔ̌ có, nǔ lɛ́ɛ bǐ wɛ nɔ wa ɖagbe ǎ.

Mɛɖěbǔ ní ma nɔ ba ɖagbe é ɖésúnɔ tɔn ó; lo ɔ́, ní nɔ ba ɖagbe mɛɖěvo lɛ́ɛ tɔn.